Alternative content

18:42 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Sənayenin qeyri-neft sektorunda məhsul istehsalı 8,8 faiz artıb
Sənayenin qeyri-neft sektorunda məhsul istehsalı 8,8 faiz artıb
ANA SƏHİFƏ / İQTİSADİYYAT
01:07 14.07.2018

 

Dövlət Statistika Komitəsinin məlumatına görə, cari ilin yanvar-iyun aylarında ölkədə 23,8 milyard manatlıq (əvvəlki ilin müvafiq dövrü ilə müqayisədə 1 faiz çox) sənaye məhsulları istehsal edilmişdir. Sənayenin qeyri-neft sektorunda məhsul istehsalı 8,8 faiz artmış, neft sektorunda 0,2 faiz azalmışdır.

Sənaye məhsulunun 72 faizi mədənçıxarma, 23,4 faizi emal, 4 faizi elektrik enerjisi, qaz və buxar istehsalı, bölüşdürülməsi və təchizatı, 0,6 faizi su təchizatı, tullantıların təmizlənməsi və emalı sektorlarında istehsal olunmuşdur. Mədənçıxarma sektoru üzrə neft hasilatında 0,9 faiz artım, əmtəəlik qaz hasilatında 4,9 faiz azalma qeydə alınmışdır. 

Emal sektorunda avtomobil istehsalı 16,6, tütün məmulatlarının istehsalı 3,4, poliqrafiya məhsullarının istehsalı 2,7, mebel istehsalı 2 dəfə, elektrik avadanlıqlarının istehsalı 84,1, həm hazır metal məmulatlarının, həm də toxuculuq sənayesi məhsullarının istehsalı 64,1, dəri və dəri məmulatlarının, ayaqqabıların istehsalı 56,9, tikinti materiallarının istehsalı 34, metallurgiya sənayesi məhsullarının istehsalı 15, geyim istehsalı 10,3, içkilərin istehsalı 5,6, kimya sənayesi məhsullarının istehsalı 0,4, əczaçılıq məhsullarının istehsalı 0,3 faiz artmış, ağacın emalı və ağacdan məmulatların istehsalı 2,3, qida məhsullarının istehsalı 3,1, maşın və avadanlıqların istehsalı 6,7, maşın və avadanlıqların quraşdırılması və təmiri işləri 8,4, kompüter, elektron və optik məhsulların istehsalı 10,6, rezin və plastik kütlə məmulatlarının istehsalı 19,3, digər nəqliyyat vasitələrinin istehsalı 62,7 faiz azalmışdır.

Elektrik enerjisi, qaz və buxar istehsalı, bölüşdürülməsi və təchizatı sektorunda isə istehsalın həcmi 4, su təchizatı, tullantıların təmizlənməsi və emalı sektorunda 0,5 faiz artmışdır.