13 Iyul 2018 10:07
178
İQTİSADİYYAT
A- A+

İstanbulda Azərbaycanın sədrliyi ilə QDİƏT-in ilk iclası keçirilib

 

 

Azərbaycanın Qara Dəniz İqtisadi Əməkdaşlıq Təşkilatına (QDİƏT) sədrliyi dövründə təşkilatın ilk iclası QDİƏT-in İstanbuldakı mənzil-qərargahında keçirilib.

Sədrlik müddətində nəzərdə tutulan tədbirlərin təqviminin və ölkəmizin prioritetlərinin elan olunduğu iclasda Azərbaycanın İstanbuldakı baş konsulu və eyni zamanda, QDİƏT yanında daimi nümayəndəsi Məsim Hacıyev, Azərbaycan Respublikası Xarici İşlər Nazirliyinin və baş konsulluğun əməkdaşları iştirak ediblər.

Azərbaycanın İstanbuldakı diplomatik nümayəndəliyindən AZƏRTAC-a verilən məlumata görə, iclasdan sonra QDİƏT-də sədrlik səlahiyyətinin ölkəmizə keçməsi münasibətilə ziyafət verilib.

Qeyd edək ki, cari il iyulun 1-dən Qara Dəniz İqtisadi Əməkdaşlıq Təşkilatına sədrlik Azərbaycana keçib. Ölkəmizin QDİƏT-dəki sədrlik müddəti 2019-cu il yanvarın 1-dək davam edəcək.

 

AZƏRTAC

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video