08 Iyul 2018 02:07
367
İDMAN
A- A+

ƏZMİN ZƏFƏRİ

 

Rusiya - Xorvatiya - 2:2 (Penaltilər seriyası - 3:4)

Qollar: Denis Çerışev, 31; Mario Fernandes, 115 - Andrey Kramariç, 39; Domaqoy Vida, 101

Soçi. “Fişt” stadionu

 

Rusiya-Xorvatiya matçı ilə dünya çempionatında sonuncu yarımfinalçının adına aydınlıq gəldi. Rusiya komandası xorvat səddini adlamaqla 1966-cı il mundialında yarımfinala çıxan SSRİ yığmasının tarixi nailiyyətini təkrarlaya bilərdi. Azərbaycan əsilli cinah oyunçusu Aleksandr Səmədov Rusiya komandasının əsas xüsusiyyətinin xarakter, yəni iradə olduğunu bildirmişdi. O, həmçinin səbir və göstərdikləri əzmkarlıq sayəsində ispanları mübarizədən kənarlaşdırdıqlarını demişdi.  Bu səbr yenə ruslara tarixi bir nailiyyət yaşada bilərdi.

Xatırladaq ki, Rusiya və Xorvatiya komandalarının əvvəlki görüşlərində - Avro-2008-in seçmə mərhələsi çərçivəsində keçirilən hər iki oyun qolsuz bərabərliklə başa çatmışdı. Tərəflər bu dəfə də heç-heçə  ənənəsini poza bilmədilər.

Braziliyalı referi Sandro Rikkinin start fitindən sonra xorvatlar oyuna daha sürətli başladılar. Ruslar isə müdafiəyə çəkilərək əks hücum taktikası seçdilər. Bu taktika Rusiya millisi üçün 1/8 finalda ispanlarla görüşdə uğurlu alınmışdı. 

Hamı təzyiqi get-gedə artıran Xorvatiya millisinin qol vuracağını gözlədiyi bir vaxtda ruslar əks hücumlardan birində hesabı açdılar. Denis Çerışev mükəmməl bir qolla meydan sahiblərini sevindirdi. Lakin 39-cu dəqiqədə xorvatiyalı Andrey Kramariç başla topu qapıya vurub hesabı bərabərləşdirdi.

Fasilədən sonra xorvatlar hücuma, ruslar isə müdafiəyə daha çox üstünlük verirdilər. Bütün cəhdlərə baxmayaraq, real qol imkanlarından istifadə olunmadı və qarşılaşmanın əsas vaxtı heç-heçə başa çatdı.

Qalibi müəyyənləşdirmək üçün əlavə 30 dəqiqə oynanıldı. İspaniya komandası ilə qarşılaşmada olduğu kimi Rusiya millisinin oyunu penalti zərbələrinə aparmaq niyyəti bu dəfə də baş tutdu. 101-ci dəqiqədə  xorvatiyalı  Domaqoy Vida komandasını hesabda  irəli çıxartdı. Əlavə vaxtın başa çatmasına 5 dəqiqə qalmış Mario Fernandes əsas vaxtda yekun hesabı müəyyənləşdirdi-2:2.

Qalibi müəyyənləşdirmək üçün 11 metrlik cərimə zərbələri yerinə yetirildi. Penaltiləri daha dəqiq yerinə yetirən xorvatlar 4:3 hesabı ilə qalib gələrək yarımfinala yüksəldilər.

Beləliklə, iyulun  11-də keçiriləcək yarımfinal matçında İngiltərə və Xorvatiya yığmaları üz-üzə gələcəklər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video