07 Iyul 2018 02:07
390
İDMAN
A- A+

DAHA BİR MÖCÜZƏ

 

Braziliya - Belçika - 1:2

Qollar: Renato Auqusto, 76 - Fernandinyo, 13 (avtoqol); Kevin De Bruyne, 31

Kazan. “Kazan Arena”

 

Hücum futbolu oynayan, mundialda rəqib qapılarına ən çox zərbə vuran iki komanda qarşılaşacağından bu matçın maraqlı keçəcəyini təxmin etmək olardı. Üstəlik, Belçika bu qarşılaşmaya kimi 12 qolla yarışın ən məhsuldar komandası idi. 4 dəfə rəqib qapılarına yol tapan Konqo əsilli Romelu Lukaku isə bir dünya çempionatında ən çox qol vuran belçikalı olmaqla bərabər, onlara məşq keçən məşhur Tyerri Anrinin də göstəricilərini geridə qoyub. Ardıcıl ikinci mundialda 1/4 finala çıxan belçikalıların dünya çempionatlarında ən böyük uğuru 1986-cı ildə 4-cü yeri tutmalarıdır. İndi həmin nailiyyəti daha da yaxşılaşdırmaq üçün ilk növbədə Braziliya kimi çətin səddi aşmaq lazım idi.

Braziliya komandası 2002-ci ldə 1/8 finalda Belçika komandasına qalib gələrək (2:0) həmin mundialda çempion tituluna sahib çıxmışdı. Elə indi də çoxu Braziliya - Belçika cütünün qalibinin yekunda dünya çempionu olacağını ehtimal edir.

Serbiyalı baş hakim Milorad Majiçin start fitindən sonra görüşə Braziliya seçməsi daha fəal başladı. Meydançanın mərkəzində tətbiq edilən pressinq Belçika komandasına topa sahib olmaqda çətinlik yaradırdı. Əsasən oyunu Neymarın üzərində qurmağa çalışan Braziliya komandası ilk 10 dəqiqə ərzində rəqibi təzyiq altında saxlaya bildi. 13-cü dəqiqədə künc zərbəsindən sonra Belçika Fernandinyonun öz qapısına vurduğu qolla 1:0 hesabda irəli çıxdı.

Bundan sonra oyunun ssenarisi tam fərqli oldu. Belə ki, qolun şokundan ayıla bilməyən braziliyalılar meydançanın mərkəzində çox boşluqlara yol verdilər. Demək olar ki, itirilən hər top belçikalıların əks hücumları ilə nəticələnirdi. Belə epizodların birində Cənubi Amerika təmsilçisi qapısında növbəti qolu gördü. Kevin De Bruyne dəqiq zərbə ilə hesab arasındakı fərqi 2 topa çatdırdı.

Fasilədən sonra təzyiqi artıran Braziliya komandası Renato Auqustonun qolu sayəsində fərqi minimuma endirdi. Lakin braziliyalıların bundan başqasına gücü çatmadı - 2:1.

Beləliklə, iyulun 10-da keçiriləcək yarımfinal matçında Fransa və Belçika yığmaları üz-üzə gələcəklər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video