Alternative content

03:25 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Professor Nizami Məmmədov “Elmə və ekologiyaya verdiyi töhfəyə görə” M.V.Lomonosov medalı ilə təltif edilib
Professor Nizami Məmmədov “Elmə və ekologiyaya verdiyi töhfəyə görə” M.V.Lomonosov medalı ilə təltif edilib
ANA SƏHİFƏ / Elm və texnika
03:07 03.07.2018

Rusiya Ekologiya Akademiyasının qərarı ilə RF Prezidenti yanında Rusiya Xalq Təsərrüfatı və Dövlət Xidməti Akademiyasının professoru, Rusiya Təbiət Elmləri Akademiyasının və Rusiya Ekologiya Akademiyasının həqiqi üzvü, UNESCO-nun eksperti, həmvətənimiz Nizami Məmmədov “Elmə və ekologiyaya verdiyi töhfəyə görə” M.V.Lomonosov medalı ilə təltif edilib.

AZƏRTAC xəbər verir ki, Nizami Məmmədov bu mükafata ekologiyanın fəlsəfi məsələləri, ekoloji mədəniyyətin və davamlı inkişaf mədəniyyətinin ilkin şərtlərinə həsr edilmiş silsilə işlərinə görə təqdim edilib.

Professor Nizami Məmmədov Rusiya Ekologiya Akademiyasının “Sosial ekologiya” seksiyasının rəhbəri və bu Akademiyanın Rəyasət Heyətinin üzvüdür. Elmi ictimaiyyət onu ekologiyanın fəlsəfi və metodoloji məsələlərinə, müasir cəmiyyətdə davamlı inkişaf mərhələsinə keçidin mədəni əsaslarına həsr edilmiş əsərləri müəllifi kimi yaxşı tanıyır. Rusiya Federasiyasında ekologiya üzrə məktəb dərsliyinin, ali məktəblər üçün davamlı inkişaf nəzəriyyəsinə aid dərs vəsaitlərinin, ayrı-ayrı fənlərin ekologizasiyası üzrə müəllimlər üçün silsilə elmi-metodik işlərin müəllifi olan N.Məmmədov davamlı inkişaf mədəniyyətinin izahına sanballı töhfələr verib.

Nizami Məmmədovun davamlı inkişaf mədəniyyətinin statusunun formalaşması yolları barədə ideyaları və təklifləri UNESCO-nun rəsmi sənədlərində öz əksini tapıb.