02 Iyul 2018 03:07
380
Elm və texnika
A- A+

AMEA Naxçıvan Bölməsində akademik Cəlal Əliyevin 90 illik yubileyi qeyd olunub

500-dən çox elmi məqalənin, 20-dən artıq kitab və monoqrafiyanın müəllifi olan Cəlal Əliyev elm xadimi kimi nəinki ölkəmizdə, eləcə də ölkə hüdudlarından kənarda tanınır.

AMEA Naxçıvan Bölməsinin İnformasiya şöbəsindən AZƏRTAC-ın Naxçıvan bürosuna bildirilib ki, bu fikirlər görkəmli alim, Əməkdar Elm Xadimi, akademik, tanınmış ictimai xadim Cəlal Əliyevin 90 illik yubileyi ilə əlaqədar keçirilən elmi konfransda səsləndirilib.

Naxçıvan Dövlət Universiteti ilə birgə keçirilən tədbirdə bölmənin sədri, akademik İsmayıl Hacıyev dünya şöhrətli seleksiyaçı alimin həyat yolundan və elmi fəaliyyətindən ətraflı danışıb. Qeyd olunub ki, Cəlal Əliyev müxtəlif illərdə Azərbaycan Respublikası və Almaniya Respublikası parlamentlərarası əlaqələr üzrə işçi qrupunun rəhbəri, Azərbaycan Milli Elmlər və Rusiya Kənd Təsərrüfatı Elmləri akademiyalarının həqiqi üzvü, Ukrayna Aqrar Elmlər və Belarus Kənd Təsərrüfatı Elmləri akademiyalarının xarici üzvü seçilib.

İsmayıl Hacıyev akademik Cəlal Əliyevin əməyinin dövlətimiz tərəfindən yüksək qiymətləndirilərək onun Azərbaycan Respublikası Prezidentinin “Fəxri diplomu”na layiq görüldüyünü, ali dövlət mükafatları – “Şərəf” və “İstiqlal” ordenləri ilə təltif olunduğunu xatırladıb. Vurğulanıb ki, tanınmış akademik perspektivli və istedadlı gəncləri ətrafına toplayaraq böyük elmi məktəb yaradıb. Onun köməyi ilə 300-ə yaxın gənc dissertasiya müdafiə edərək alim adı alıb.

Akademik İsmayıl Hacıyev Prezident İlham Əliyevin 2018-ci il 22 may tarixli Sərəncamına əsasən keçirilən yubiley tədbirlərinin akademik Cəlal Əliyevin elmi fəaliyyətinə verilən qiymət olduğunu bildirərək qeyd edib ki, elmə dəyərli töhfələr vermiş görkəmli alim daim minnətdarlıqla xatırlanacaq.

Konfransda Bölmənin Bioresurslar İnstitutunun direktoru, akademik Tariyel Talıbov “Akademik Cəlal Əliyev və onun mənalı ömür yolu”, Naxçıvan Dövlət Universitetinin botanika kafedrasının müdiri, dosent Daşqın Qəmbərov “Cəlal Əliyevin biologiya və aqrar elmlərin inkişafında rolu”, Bioresurslar İnstitutunun dənli, taxıl, paxlalı və texniki bitkilər laboratoriyasının rəhbəri, dosent Pərviz Fətullayev “Dünya şöhrətli seleksiyaçı alim” və Naxçıvan Dövlət Universitetinin dosenti Hilal Qasımov “Biologiya elmində Cəlal Əliyev məktəbi” mövzularında məruzə ilə çıxış ediblər. Qeyd olunub ki, yüksək intellektual təfəkkürə malik olan alim öz geniş diapazonlu elmi fəaliyyəti və zəngin irsi ilə müasir Azərbaycan biologiya elminin inkişafına dəyərli töhfələr verib.

Tədbirdə görkəmli akademik Cəlal Əliyevin həyat yolunu əks etdirən videoslayd nümayiş olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video