Alternative content

02:50 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “Rusiya 2018”: Dörddəbir finala 4-cü vəsiqəni Xorvatiya qazandı
“Rusiya 2018”: Dörddəbir finala 4-cü vəsiqəni Xorvatiya qazandı
ANA SƏHİFƏ / İDMAN
09:07 02.07.2018

İyulun 1-də Xorvatiya millisi Rusiyada keçirilən futbol üzrə XXI dünya çempionatının dörddəbir final mərhələsinə vəsiqə qazanıb.

AZƏRTAC xəbər verir ki, mundialın səkkizdəbir final mərhələsi çərçivəsində Nijniy Novqorod stadionunda Xorvatiya və Danimarka milliləri qarşılaşıblar.

Argentinalı baş hakim Nestor Pitananın idarə etdiyi oyunda hesab birinci dəqiqədə açılıb. Danimarkalı Matias Yorqensen fərqlənib. Üç dəqiqə sonra xorvatiyalı Mario Mancukiç bərabərlik qolunu vurub. Komandaların cəhdlərinə baxmayaraq, oyunun ilk hissəsində hesab dəyişməyib – 1:1.

Qarşılıqlı hücumlar şəraitində keçən ikinci hissədə futbolçular fərqlənməyi bacarmayıblar və matç 1:1 hesabı ilə heç-heçə başa çatıb.

Qalibi müəyyən etmək üçün əlavə vaxt oynanılıb. Bu dəfə də qapılara top vurulmadığından qalib penalti seriyasında bəlli olub. Zərbələri dəqiq yerin yetirən Xorvatiya millisi 3:2 hesabı ilə qalib gələrək növbəti mərhələyə adlayıb.

Xorvatiya millisi dörddəbir finalda iyulun 7-də Soçidə Rusiya yığması ilə qarşılaşacaq.

Xatırladaq ki, “D” qrupunda Nigeriya (2:0), Argentina (3:0) və İslandiyaya (2:1) hesabı ilə qalib gələn xorvatiyalılar 9 xalla qrupu ilk sırada başa vurublar. Danimarka millisi isə Peruya 1:0 hesabı ilə qalib gələrək, Avstraliya (1:1) və Fransa (0:0) ilə heç-heçə edərək 5 xalla “C” qrupunda ikinci olub.

Qeyd edək ki, futbol üzrə dünya çempionatının səkkizdəbir final mərhələsi çərçivəsində iyulun 2-də Braziliya-Meksika və Belçika-Yaponiya, ertəsi gün isə İsveç-İsveçrə və Kolumbiya-İngiltərə görüşləri baş tutacaq.

Mundialın dörddəbir final mərhələsinin görüşləri iyulun 6-7-də, yarımfinal matçları isə iyulun 10-11-də oynanılacaq. Üçüncü yer uğrunda görüş iyulun 14-də, final qarşılaşması isə iyulun 15-də keçiriləcək.