Alternative content

01:30 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Aqrar Universitetdə akademik Cəlal Əliyevin 90 illik yubileyinə həsr olunan konfrans keçirilib
Aqrar Universitetdə akademik Cəlal Əliyevin 90 illik yubileyinə həsr olunan konfrans keçirilib
ANA SƏHİFƏ / Elm və texnika
04:06 30.06.2018

Azərbaycan Dövlət Aqrar Universitetində (ADAU) görkəmli alim, tanınmış ictimai xadim, Azərbaycan Milli Elmlər Akademiyasının (AMEA) həqiqi üzvü, Əməkdar Elm Xadimi, biologiya elmləri doktoru, professor Cəlal Əlirza oğlu Əliyevin anadan olmasının 90 illiyinə həsr edilən “Cəlal Əliyev Azərbaycan biologiya elminin ən görkəmli şəxsiyyətlərindən biridir” mövzusunda elmi-nəzəri konfrans keçirilib.

Konfransda universitetin rektoru, AMEA-nın müxbir üzvü İbrahim Cəfərov akademik Cəlal Əliyevin biologiya elminin inkişafına verdiyi töhfələrdən, kənd təsərrüfatı bitkilərinin, əsasən buğdanın fotosintetik məhsuldarlığının nəzəri əsaslarının öyrənilməsində, fotosintez və fototənəffüs proseslərinin kompleks tədqiqində göstərdiyi xidmətlərdən danışıb.

Rektor qeyd edib ki, akademik Cəlal Əliyev yüksək dən keyfiyyətinə və məhsuldarlığa malik, Azərbaycanın buğda əkini sahəsinin böyük hissəsini təşkil edən, Türkmənistan, Özbəkistan və Gürcüstanda yaxşı nəticələr verən buğda sortlarını yaradıb, Azərbaycanda bitki genetik ehtiyatları üzrə Milli Proqram və biomüxtəlifliyin qorunması və səmərəli istifadəsi strategiyasını işləyib hazırlayıb, Bitki Genbankı yaradıb, “Azərbaycanın Qırmızı kitabı” nəşrinin baş redaktoru olub. Onun yaratdığı elmi məktəbin nümayəndələri nəinki Azərbaycanda, hətta dünyanın bir çox ölkələrində, o cümlədən MDB, ABŞ, Kanada, Yaponiya, Cənubi Koreya, Avstraliya, İsrail və Avropada aqrar elmin inkişafına töhfələr verirlər.

Konfransda AMEA-nın Molekulyar Biologiya və Biotexnologiyalar İnstitutu direktorunun elmi işlər üzrə müavini, dosent Ələmdar Məmmədov, bu elm müəssisəsinin laboratoriya müdiri, dosent Şəhriyar Bayramov, Kənd Təsərrüfat Nazirliyi Əkinçilik Elmi-Tədqiqat İnstitutunun bitki fiziologiyası və biotexnologiya şöbəsinin müdiri dosent Tofiq Allahverdiyev, ADAU-nun biologiya kafedrasının müdiri, professor Zaur Hümbətov, torpaqşünaslıq və aqrokimya kafedrasının müdiri, dosent Arif Hüseynov, ümumi əkinçilik, genetika və seleksiya kafedrasının müdiri, dosent Aynur Həsənova akademik Cəlal Əliyevin fundamental elmi araşdırmaları və nailiyyətlərinə dair maraqlı məruzələrlə çıxış edib, alimlə bağlı xatirələrini bölüşüblər.