Alternative content

00:21 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan Milli Elmlər Akademiyası Rəyasət Heyətinin yeni tərkibdə ilk iclası keçirilib
Azərbaycan Milli Elmlər Akademiyası Rəyasət Heyətinin yeni tərkibdə ilk iclası keçirilib
ANA SƏHİFƏ / Elm və texnika
11:06 29.06.2018

İyunun 29-da Azərbaycan Milli Elmlər Akademiyası (AMEA) Rəyasət Heyətinin yeni tərkibdə ilk iclası keçirilib.

AZƏRTAC xəbər verir ki, əvvəlcə AMEA-nın prezidenti, akademik Akif Əlizadə ümummilli lider Heydər Əliyevin anadan olmasının 95 illiyi münasibətilə keçirilmiş müsabiqənin qaliblərinə mükafatları təqdim edib. Müsabiqənin nəticələrinə əsasən 14 gənc alim mükafatlandırılıb.

Sonra “Magistr – 2018” müsabiqəsinin qaliblərinə mükafatlar təqdim olunub.

İclasda müzakirəyə çıxarılan ilk elmi-təşkilati məsələ 2018-2023-cü illərdə AMEA-nın qarşısında duran vəzifələr haqqında olub. Məsələ ilə bağlı çıxış edən akademik A.Əlizadə bildirib ki, rəhbərlik etdiyi qurumda elmi-texniki potensialın daha da inkişaf etdirilməsi, elm, təhsil və iqtisadiyyat arasında əlaqələrin gücləndirilməsi qarşıda duran əsas vəzifələrdəndir. AMEA beynəlxalq elmi əlaqələrin genişləndirilməsini, nanotexnologiyalar, kiber-fiziki sistemlər, süni intellekt, eləcə də başqa elm sahələrində tədqiqat proqramlarının işlənməsini və elmin inkişafı üçün mühüm tədbirlərin həyata keçirilməsini başlıca hədəf kimi qarşıya qoymalıdır.

AMEA-nın rəhbəri “Azərbaycan elminin inkişaf doktrinası” layihəsindən də danışıb. Layihədə elmin idarə edilməsi, təşkili və maliyyələşdirilməsi sistemlərinin təkmilləşdirilməsi, yüksəkixtisaslı kadrların hazırlanması, elmi tədqiqatların prioritetlərinin ölkənin sosial-iqtisadi, mədəni-ictimai problemlərinin həllinə yönəldilməsi, elmlə təhsilin inteqrasiyası, elmin normativ-hüquqi bazasının və informasiya təminatının gücləndirilməsi, elmi işçilərin sosial təminatının yaxşılaşdırılması ilə bağlı kompleks tədbirlərin həyata keçirilməsinin nəzərdə tutulduğunu deyib.

Gündəlikdə yer alan növbəti məsələ AMEA Rəyasət Heyəti üzvləri arasında vəzifə bölgüsü ilə bağlı olub. Akademiyanın iyunun 8-də keçirilən ümumi yığıncağında seçilmiş AMEA-nın prezidenti və AMEA Rəyasət Heyətinin yeni tərkibdə üzvləri arasında vəzifə bölgüsü qərarla təsdiqlənib.

Sonra AMEA-nın professorlarının koordinasiya şurasının yaradılması məsələsi müzakirə olunub. Bildirilib ki, şuranın yaradılmasının məqsədi AMEA-nın professorları üçün müəyyənləşdirilmiş vəzifələrin icrasını təmin etmək, həmçinin AMEA professorlarının akademiyanın elmi və elmi-təşkilati həyatında daha yaxından iştirakına nail olmaqdır. İclasın qərarına əsasən şura yaradılıb. Onun Əsasnaməsinin hazırlanması barədə tapşırıq verilib.

Növbəti məsələ AMEA Rəyasət Heyətinin fəaliyyətinin səmərəliliyinin artırılması haqqında olub. Məsələ ilə bağlı çıxış edən AMEA-nın rəhbəri fəaliyyətin müasir tələblər səviyyəsində təkmilləşdirilməsi üçün bir sıra tədbirlərin həyata keçirilməsinin zəruri olduğunu bildirib. Akademik müzakirəyə təqdim edilən məsələlərin Rəyasət Heyətinin AMEA-nın Nizamnaməsi ilə müəyyənləşdirilmiş fəaliyyət istiqamətlərinə, müasir dünyanın elmi çağırışlarına, ölkəmizin elmi fəaliyyət sahəsində həyata keçirdiyi siyasətə, akademiyada həyata keçirilən islahatların prinsiplərinə uyğun olmasının vacibliyini vurğulayıb.

Daha sonra Bakı Dövlət Universitetinin 100 illik yubileyinin keçirilməsi ilə bağlı Prezident İlham Əliyevin 2017-ci il 14 noyabr tarixli Sərəncamından irəli gələn vəzifələrin icrasını təmin etmək məqsədilə bir sıra tapşırıqlar verilib.

Digər qərarla AMEA-nın Geologiya və Geofizika İnstitutunun elmi şurasının tərkibində qismən dəyişiklik edilib. Bundan əlavə, AMEA-nın Arxeologiya və Etnoqrafiya İnstitutunun elmi şurasının yeni tərkibi təsdiqlənib.

Tədbirdə bir sıra kadr məsələlərinə də baxılıb.