TARİXDƏ BİR İLK
Seneqal - Kolumbiya - 0:1
Qol: Yerri Mina, 74
Samara, “Samara Arena”
Yaponiya - Polşa - 0:1
Qol: Yan Bednarek, 59
Volqoqrad, “Volqoqrad Arena”
Dünən futbol üzrə dünya çempionatında qrup mərhələsinə yekun vurulub. Sonuncu tura kimi H qrupunda Yaponiya və Seneqal millilərinin aktivlərində dörd, Kolumbiya yığmasının isə bir qələbədən sonra üç xalı vardı. Polşalılar iki məğlubiyyətdən sonra səkkizdəbir final mərhələsinə çıxmaq şansını itirmişdilər. Pley-offa vəsiqənin taleyi isə Yaponiya-Polşa və Seneqal-Kolumbiya oyunlarının nəticələrindən asılı olacaqdı.
H qrupu çərçivəsində ən maraqlı qarşılaşma Seneqal və Kolumbiya yığmaları arasında baş tutdu. Mundiallarda 1962-ci ildən debüt edən Kolumbiya millisi dünya çempionatında indiyədək altı dəfə oynamaq hüququ qazanıb. Bu komandanın çempionatlarda ən yaxşı göstəricisi Braziliyadakı çempionata təsadüf edib. Həmin mundialda dörddəbir finaladək irəliləyən Kolumbiya yığması ev sahibinə 1:2 hesabı ilə uduzaraq mübarizəni dayandırıb.
Seneqal millisi isə ilk dəfə 2002-ci ildə dünya çempionatında iştirak edib. Həmin mundialın açılış matçında dünya çempionu olan Fransanı məğlubiyyətə uğradan seneqallılar nümayiş etdirdikləri oyun və qazandıqları qələbələr ilə sürpriz nəticələrə imza atmışdılar.
Hər iki komanda tarixlərində ilk dəfə idi ki, üz-üzə gəlirdi. Serbiyalı referi Milorad Majiçin start fitindən sonra qarşılaşmaya kolumbiyalılar daha fəal başladılar. Çünki bu matçda qazanılacaq bir xal belə, Afrika təmsilçisini 1/8 finala çıxartdığından daha çox oyunu meydançanın özlərinə aid hissəsində qəbul edərək rəqibi əks hücumlarda tutmaq istəyirdilər. Ona görə də həmişə deyilən “Ən yaxşı müdafiə elə hücumdur” fikri bu dəfə də özünü doğrultdu. Meydançanın mərkəzində tətbiq edilən pressinq nəticəsində topa sahib olan və qısa ötürmələrlə cinahlardan oyun qurmağa çalışan Kolumbiya bir neçə dəfə fərqlənməyə yaxın olsa da, qeyri-dəqiqlik buna imkan vermədi.
Qrupda bundan əvvəlki ilk iki turda daha kollektiv oyun nümayiş etdirən seneqallılardan bu dəfə əsər-əlamət qalmamışdı. Sanki həmin görüşlərdəki komanda gedib, yerinə başqası gəlmişdi.
Daha arzulu və əzmkar futbol oynayan Kolumbiya nəhayət, 74-cü dəqiqədə arzusuna çatdı. Künc zərbəsindən sonra ötürülən topu Yerri Mina qapıya göndərərək kolumbiyalı azarkeşləri sevindirdi. Bundan sonra oyun anlayışını dəyişərək daha çox hücuma atılmağa çalışan Seneqal üçün artıq qatar çoxdan getmişdi.
Beləliklə, 1:0 hesabı ilə qalib gələn Kolumbiya yığması qrup lideri kimi adını 1/8 finala yazdırdı.
Qrupun digər matçında isə Yaponiya və Polşa seçmələri üz-üzə gəldilər. Daha əzmkar və sürətli oyun nümayiş etdirən polşalılar matçdan 1:0 hesabı ilə qalib ayrıldılar.
Bu məğlubiyyətə baxmayaraq, Yaponiya növbəti mərhələyə vəsiqə qazanıb. Çünki Seneqal və Yaponiya komandalarının həm xalları (4 xal), həm də top fərqi (0-0) bərabər olduğu üçün FİFA-nın qaydalarına görə sarı vərəqə sayı nəzərə alınıb. Sarı vərəqələrin sayı daha az olan Yaponiya (4) pley-off mərhələsinə adlayıb. Seneqalda isə bu vərəqələrin sayı 6 olub.
Elçin CƏFƏROV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Elmira Süleymanova II Fəxri xiyabanda dəfn olunub
25 Aprel
Britaniya alimləri xərçəngin müalicəsində mühüm addım atıblar
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
Azərbaycan Ordusunda komanda-qərargah təlimləri keçirilir
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
25 Aprel
Xocalıda insan qalıqları aşkarlanıb
25 Aprel
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!