Alternative content

19:35 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Çimərlik mövsümü zamanı dərinin günəş şüalarından qorunmaması bəzi xəstəliklərə səbəb ola bilər
Çimərlik mövsümü zamanı dərinin günəş şüalarından qorunmaması bəzi xəstəliklərə səbəb ola bilər
ANA SƏHİFƏ / Səhiyyə
05:06 27.06.2018

Dəri xəstəliklərinin çox böyük əksəriyyəti günəş şüalarının təsiri nəticəsində yaranır. Xüsusilə çimərlik mövsümü zamanı həmin xəstəliklərin yaranması ehtimalı artır.

Səhiyyə Nazirliyinin baş dermatoveneroloqu Zülfüqar Fərəcovun dediyinə görə, həmin təsir nəticəsində dəri xərçənginin yaranması da istisna edilmir: “Günəş şüalarının təsiri nəticəsində dərinin iltihabı reaksiyaları müşahidə olunur. Eyni zamanda, yay aylarında tərləmə nəticəsində dəridə gedən dəyişikliklər göbələk, uzun müddət günəş şüaları altında qaldıqda qırmızı qurd eşənəyi, sklerodermiya və digər dəri xəstəlikləri əmələ gətirə bilər”.

Baş dermatoveneroloq allergik xəstəlikləri olanların və dərman qəbul edənlərin çimərliyə getməməsini məsləhət görüb. Çimərliyə gedənlərin isə günəş şüalarının dəriyə mənfi təsirindən qoruyan xüsusi kremlərdən istifadə etməsinin zəruriliyini qeyd edib. O deyib ki, dəridə qızartı, qaşınma və şişkinlik əmələ gələndə dərhal həkimə müraciət olunmalıdır.