Alternative content

07:54 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “Gələcəyə doğru” adlı tədbir olub
“Gələcəyə doğru” adlı tədbir olub
ANA SƏHİFƏ / Təhsil
02:06 23.06.2018

 

Gənclər və İdman Nazirliyinin, Təhsil Nazirliyinin və Azərbaycan Respublikasının Gənclər Fondunun birgə təşkilatçılığı ilə Bakı Konqres Mərkəzində Bakı və Sumqayıt şəhərlərinin və Abşeron rayonunun ümumtəhsil məktəblərini yüksək qiymətlərlə bitirmiş şagirdlər üçün “Gələcəyə doğru” adlı məzun gecəsi keçirilib.

Gənclər Fondundan AZƏRTAC-a bildiriblər ki, tədbirdə Prezident Administrasiyasının Gənclər siyasəti və idman məsələləri şöbəsinin müdiri Yusuf Məmmədəliyev Azərbaycan Respublikasının Birinci vitse-prezidenti Mehriban Əliyevanın məzunlara təbrik məktubunu oxuyub.

Tədbirdə gənclər və idman naziri Azad Rəhimov, təhsil naziri Ceyhun Bayramov çıxış edərək gənclərə təbriklərini çatdırıblar.

Sonra tanınmış müğənnilərin, beynəlxalq musiqi müsabiqələrinin qaliblərinin ifasında maraqlı musiqi proqramı təqdim olunub. Həmçinin gənclər arasında müxtəlif maraqlı oyunlar və müsabiqələr keçirilib, fərqlənənlər qiymətli hədiyyələrlə mükafatlandırılıb.

Tədbirin keçirildiyi məkanda bir sıra gənclər təşkilatlarının stendləri quraşdırılıb. Burada təşkilatlar barədə məlumat verilib, həmin qurumların fəaliyyətlərini əks etdirən maarifləndirici materiallar nümayiş etdirilib. Stendlərdə gənclərin ölkəmizin ictimai həyatında fəal iştirakı imkanları barədə də ətraflı məlumat verilib.