22 Iyun 2018 12:06
309
İDMAN
A- A+

FİASKO...

 

Argentina -Xorvatiya - 0:3

Qol: Rebiç, 54, Modriç, 81,Rakitiç, 90+1

Nijni Novqorod. Şəhər stadionu

 

İyunun 21-də Argentina-Xorvatiya qarşılaşması ilə D qrupunda 2-ci tura start verildi. Bir tərəfdə ilk turda Nigeriyaya qalib gələrək mundiala qələbə ilə başlayan Xorvatiya millisi, digər tərəfdə isə İslandiya seçməsi ilə heç-heçə oynayaraq sürpriz nəticəyə imza atan və tənqidlərlə üzləşən çempionatın favoritlərindən sayılan Argentina yığması. Çox maraqlı və gərgin mübarizənin olacağı qarşılaşmanın adından bəlli idi.

 “Əgər Sampaoli belə davam etsə, Argentinaya qayıda bilməyəcək.Günah  futbolçularda deyil, məşqçidədir. Oyuna hazırlıq yox səviyyəsində idi. Boş vədlər dövrü arxada qalıb. Özünlə 25 məşqçi də gətirə bilərsən, amma işləmək lazımdır”. Bu fikirləri bir neçə gün öncə Argentinanın əfsanəvi futbolçu Maradona deyib. Həqiqətən oynanılan futbol, taxtiki gedişlər, futbolçu və mövqe seçimləri bu gün Argentina ictimaiyyəti baş məşqçi Xorxe Sampaolinin işindən narazıdırlar. Bundan əvvəl oynanılan hazırlıq matçlarında da baş məşqçi ciddi tənqidlərə məruz qalmışdır.

D qrupunun 1-ci turunda İslandiya seçməsi ilə qarşılaşmada baxımsız futbol 2-ci turda Xorvatiya ilə görüşdə də davam etdi. 

Özbəkistanlı referi Ravşan İrmatovun start fitindən sonra Argentina millisi oyuna daha sürətli başlamaq istəsə də, meydançanın mərkəzində ciddi təzyiqlə üzləşdi. Bu görüşdə xorvatlara 1 xal da sərf etdiyinə görə əsasən əks hücumlarda qol vurmaq taxtikasını seçmişdilər. Əslində, ilk hissədə istədiklərinə demək olar ki, nail oldular. Hətta hesabı açmaq üçün bir neçə epizoddan yararlana bilmədilər. Argentinalılar topa daha çox sahib olsalar da, real qol imkanları Xorvatiyada yetərincə idi. Bütün cəhdlərə baxmayaraq ilk hissə qolsuz başa çatdı.

Fasilədən sonra Argentina millisi qapıçısı Villi Kabalyeronun (54-cü dəqiqə) kobud səhvindən sonra qol buraxdı.

Bundan sonra özlərini itirən aregntinalılar kəsərsiz hücumlar edir, meydançanın mərkəzində kobud səhvlər buraxırdılar. Belə səhvlərdən birində 81-ci dəqiqədə Luka Modriç uzaqdan vurduğu mükəmməl qolla hesab arasındakı fərqi 2 topa çatdırdı. 91-ci dəqiqədə isə İvan Rakitiç görüşdə son nöqtəni qoydu-3:0.

Beləliklə, 3:0 hesabı ilə qələbə qazanan xorvatlar xallarının sayını 6-ya yüksəldərək 1/8 finala vəsiqə qazandılar. Argentina millisinin işi isə möcüzələrə qaldı.

D qrupunda 2-ci tura bu gün keçiriləcək Nigeriya-İslandiya matçı ilə yekun vurulacaq.

 

Elçin CƏFƏROV,

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video