Bakıda beynəlxalq karate turnirinin açılış mərasimi olub
İyunun 21-də Azərbaycanın Milli Qəhrəmanı, tankçı Albert Aqarunovun xatirəsinə həsr olunmuş beynəlxalq karate turnirinin təntənəli açılış mərasimi olub.
AZƏRTAC xəbər verir ki, “Sərhədçi” İdman Olimpiya Mərkəzində əvvəlcə iştirakçı komandaların paradı olub.
Azərbaycanın dövlət himni səsləndirildikdən və ölkəmizin ərazi bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edildikdən sonra turnirin baş hakimi Cahangir Babayev yarışı açıq elan edib.
Azərbaycanın dünyada idman ölkəsi kimi tanındığını bildirən Gənclər və İdman Nazirliyinin idman şöbəsinin müdiri Fərid Mansurov idmançıların ölkəmizi beynəlxalq arenada yüksək səviyyədə təmsil etdiklərini vurğulayıb. Qeyd edib ki, Azərbaycanda digər idman növləri kimi, karatedə də inkişaf müşahidə olunur. İdmanın bu növü 2020-ci ildə Tokioda təşkil olunacaq Yay Olimpiya Oyunlarının proqramına daxil edilib.
Azərbaycan Milli Karate Federasiyasının prezidenti Yaşar Bəşirov karateçilərimizin uğurlarından danışıb. Vurğulayıb ki, Azərbaycan dünya karatesinə Rəfael Ağayev kimi güclü idmançı bəxş edib. Əminik ki, bütün titullara sahib olan Rəfael Ağayev Olimpiya medalı ilə də bizi sevindirəcək. Ölkəmizdə idmana göstərilən dövlət qayğısından danışan Yaşar Bəşirov turnir iştirakçılarına uğurlar arzulayıb.
Bakı Dağ Yəhudiləri Dini İcmasının rəhbəri Milix Yevdayev turnirin əhəmiyyətini yüksək qiymətləndirib. Bildirib ki, turnir təkcə Albert Aqarunovun deyil, bütün şəhidlərimizin və Milli qəhrəmanlarımızın xatirəsinə həsr olunub. Azərbaycandakı tolerantlıq, dinlərarası əməkdaşlıq və qarşılıqlı hörmət modeli digər ölkələr üçün nümunədir.
Albert Aqarunovun döyüş yolundan danışan Şuşa Rayon İcra Hakimiyyətinin başçısı Bayram Səfərov Azərbaycan idmançılarının qazandığı nailiyyətləri yüksək qiymətləndirib.
Vurğulayıb ki, idman sahəsində əldə olunan uğurlara görə Azərbaycan digər ölkələrə nümunədir. Respublikamızda idmanın inkişafı üçün hər cür şərait var. Həmçinin beynəlxalq standartlara cavab verən idman infrastrukturu yaradılıb. Bütün bunlar ölkəmizdə aparılan uğurlu idman siyasətinin bariz nümunəsidir.
Digər çıxış edənlər Milli Qəhrəmanla bağlı xatirələrini danışıb, turnir iştirakçılarına uğurlar arzulayıblar.
Sonra turnirin təşkil olunmasında göstərdiyi xidmətlərə görə Azərbaycan Milli Karate Federasiyası və Bakı Dağ Yəhudiləri Dini İcması tərəfindən bir qrup şəxsə fəxri diplomlar təqdim olunub.
Açılış mərasimi konsert proqramı ilə başa çatıb.
Gənclər və İdman Nazirliyinin və Azərbaycan Milli Karate Federasiyasının birgə təşkil etdiyi yarışda 10-dək ölkədən idmançılar iştirak edirlər.
Qara dəniz və Xəzəryanı ölkələr arasında keçirilən xatirə turnirində beş yaşdan yuxarı karateçilər mübarizə aparırlar.
İyunun 23-də yekun vurulacaq turnirdə fərqlənən idmançılara fərdi yarışlarda medal və diplom, komanda çıxışlarında isə kubok təqdim olunacaq.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fevralda DSMF tərəfindən 26,6 minə yaxın vətəndaş müraciəti cavablandırılıb
28 Mart
“YAŞAT” Fondu tərəfindən dəstək tədbirləri davam edir
28 Mart
Bayram günlərində “Azərpoçt”un xidmətlərindən 400 mindən çox vətəndaş istifadə edib ...
28 Mart
D vitamini uşaqların sümük-əzələ sisteminin sağlamlığında mühüm rol oynayır
28 Mart
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
Şröder: Putinlə şəxsi münasibətlərim Ukraynada sülh prosesinə fayda verə bilər
28 Mart
BŞİH-də müşavirə keçirilib, “Lifttəmir”in direktoruna şiddətli töhmət verilib
28 Mart
Avropa çempionatı: Azərbaycan minifutbol millisinin mümkün rəqibləri bəlli olub
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!