Alternative content

07:51 14 Noyabr 2018
ONLINE XƏBƏR LENTİ
FOTOXRONİKA
Bakı bu gün - FOTO REPORTAJ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Mərkəzi Elmi Kitabxana “Vikipediya”da “Azərbaycan Xalq Cümhuriyyəti ayı”nın nəticələrini təqdim edib
Mərkəzi Elmi Kitabxana “Vikipediya”da “Azərbaycan Xalq Cümhuriyyəti ayı”nın nəticələrini təqdim edib
ANA SƏHİFƏ / Elm və texnika
06:06 20.06.2018

Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) Azərbaycan Xalq Cümhuriyyətinin (AXC) 100 illiyinə həsr olunan tədbir keçirilib. “Vikipediya”da mövzulu ay” layihəsi çərçivəsində təşkil olunan tədbirdə kitabxana tərəfindən AXC-nin 100 illiyi ilə bağlı “Vikipediya”da görülən işlərin yekun nəticəsi təqdim edilib.

MEK-dən AZƏRTAC-a bildirilib ki, tədbirdə AMEA-nın vitse-prezidenti, akademik İsa Həbibbəyli kitabxananın “Vikipediya” istiqamətindəki metodik mərkəz kimi rolundan, elm müəssisələri ilə birgə sistemli fəaliyyətindən danışıb. O deyib: “Cümhuriyyət reallıqlarının öyrənilməsi, təbliği dövlətçiliyimizin qədrinin bilinməsidir ki, onun da mərkəzində azərbaycançılıq, millilik, vətənpərvərlik durur. MEK-in Vikipediya Metodik Mərkəzinin Cümhuriyyətin 100 illiyi ilə bağlı gördüyü işlər təqdirəlayiqdir”.

İ.Həbibbəyli informasiya müharibəsinin mövcud olduğu bir dövrdə “elektron kitabxana” adlandırdığı “Vikipediya”nın güc mərkəzi kimi formalaşdırılmasının vacibliyini vurğulayıb. Azərbaycan xalqının “Vikipediya” könüllüsü olduğunu bildirən akademik deyib ki, bu istiqamətdə gənclərimizin üzərinə daha böyük yük düşür.

MEK-in direktoru Leyla İmanova rəhbərlik etdiyi kitabxananın ölkəmizin informasiya təhlükəsizliyi və Azərbaycan həqiqətlərinin təbliği istiqamətində ardıcıl fəaliyyətindən, Vikipediya Metodik Mərkəzinin “AXC-100” mövzusuna verdiyi töhfədən danışıb. “Azərbaycan Xalq Cümhuriyyəti ayı”nın nəticələri ilə bağlı müsabiqənin qaliblərini təbrik edən L.İmanova MEK-in müvafiq istiqamətdə fəaliyyətini yüksək dəyərləndirib. O bildirib ki, “Vikipediya”da yer alan ölkə əhəmiyyətli informasiyalar, eləcə də AXC irsinə aid MEK-in fondlarındakı zəruri sənədlər rəqəmsallaşdırılaraq elektron kataloqda qeyd olunub və Milli Rəqəmsal Yaddaş bazasında yerləşdirilib. MEK Azərbaycan milli irsinin öyrənilməsinə dair UNESCO işçi qrupuna üzv qəbul edilib. Eyni zamanda, kitabxananın elektron kataloqunun formatı və quruluşu UNESCO işçi qrupunun ilkin reyestrləri üçün əsas kimi qəbul olunub.

Məhəmməd Əmin Rəsulzadənin AXC ilə bağlı fikirlərini əks etdirən videoçarx göstərilib.

MEK-in sərbəst elektron resurslarla iş şöbəsinin müdiri Elnur Hüseynov qeyd edib ki, Vikipediya Metodik Mərkəzinin könüllüləri tərəfindən mövzu ilə bağlı 500-dən çox məqalə yaradılıb və əsaslı redaktə olunub.

“Azərbaycan Xalq Cümhuriyyəti İli” çərçivəsində MEK-in sərbəst elektron resurslarla iş şöbəsinin fəaliyyətini təqdim edən kitabxananın təlimlər bölməsinin rəhbəri Günay Məmmədova bildirib ki, mövzu ilə bağlı yaradılmış məqalələrdən 457-si “Azərbaycanca Vikipediya”da, 89-u isə “Xaricidilli Vikipediya”da işlənilib.

Sonra “Azərbaycan Xalq Cümhuriyyəti ayı”nın nəticələri ilə bağlı müsabiqənin qalibləri elan olunub. Qaliblərə MEK tərəfindən fərqlənmə diplomu və Azərbaycan tarixinə, mədəniyyətinə aid qiymətli kitablar təqdim edilib.

“Şəms” Tərcümə Xidmətləri Mərkəzinin direktoru Nəsimi Həsənov, “Azərbaycanca Vikipediya”nın idarəçisi Tərxan Paşazadə, “Vikipediya”da qrup rəhbəri, AMEA Coğrafiya İnstitutunun əməkdaşı Aida Aslanova, AMEA Fəlsəfə İnstitutunun aparıcı elmi işçisi, dosent Faiq Ələkbərov və başqaları çıxış edərək informasiya müharibəsinin aktual olduğu bir dönəmdə görülən işləri yüksək dəyərləndirib, əlaqəli fəaliyyətin daha peşəkar və səmərəli şəkildə davam etdirilməsi üçün bundan sonra da səylərin artırılmasının vacibliyini vurğulayıblar.

Sonda geniş müzakirələr aparılıb, ümumi rəyə əsasən, “Vikipediya”da yaradılan məqalələrdə Azərbaycanın milli maraqlarının qorunması, tarixi həqiqətlərinin düzgün, obyektiv çatdırılması üçün azərbaycançılığa söykənən vahid konsepsiyadan çıxış edilməsi dövrün zəruri tələbi kimi qəbul edilib.


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM