Alternative content

10:08 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV İdman təzyiq və diabet kimi xəstəliklərin yaranmasının qarşısını alır
İdman təzyiq və diabet kimi xəstəliklərin yaranmasının qarşısını alır
ANA SƏHİFƏ / Səhiyyə
02:06 13.06.2018

İdman etmək ürək-damar sistemi, təzyiq və diabet kimi xəstəliklərdən qoruyur, artıq çəkidən xilas olmağa kömək edir, immun sistemini gücləndirir. Sağlamlıq üçün həftədə üç gün 30-35, artıq çəkidən xilas olmaq üçün isə dörd gün 45 dəqiqə idman etmək lazımdır.

AZƏRTAC həkim və mütəxəssislərin rəyinə əsasən xəbər verir ki, arıqlamaq üçün hər gün 15-20 dəqiqə idmanla məşğul olmaq vacibdir. Ən idealı isə hər gün orta sürətlə 45-50 dəqiqə qaçmaq kifayətdir. Ağırlıq qaldırmaq isə maddələr mübadiləsini sürətləndirməyə yaxşı təsir göstərir.

Plansız edilən idman xeyirdən çox ziyan verir. Əgər məqsəd artıq kilolardan xilas olmaqdırsa, qaçış və üzgüçülük bu məqsədə çatmaq üçün ən yaxşı vasitədir. İdmanla acqarına məşğul olmaq da məsləhət görülmür.

İdman məşqlərinə səhər yeməyindən iki saat sonra başlamaq lazımdır. Səhər erkən saatlarda idman etdikdən sonra isə bir az karbohidrat-kişmiş, 2-3 quru ərik və qoz qəbul edilməlidir. Səhər yeməyində buğda çörəyi ilə hazırlanan pendirli sendviç, pomidor və xiyar yaxşı seçim ola bilər. İdman məşğələsindən bir saat əvvəl süd, yoqurt və meyvə ilə qəlyanaltı etmək olar.

Ac olanda daha çox enerji sərf edilir, bu isə idman məşğələsindən sonra daha çox yeməyə həvəs yaradır. Məşqlərdən sonra banan və ya pomidor şirəsi içmək vacibdir. E vitamininə olan tələbatı ödəmək üçün 10-15 fındıq və ya badam yemək məsləhət görülür. Axşam saatlarında idman edənlərin də məşqdən sonra qida qəbul etməsi vacibdir. Bu, sendviç və ya meyvə ola bilər. İdman hərəkətləri edərkən su içilməlidir ki, bu da arzuolunan bədən quruluşuna sahib olmağa kömək edir.