Alternative content

03:14 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Akademik İsa Həbibbəyli: Dünya kitabxanalarında saxlanılan Azərbaycan əlyazmalarının araşdırılması mühüm məsələdir
Akademik İsa Həbibbəyli: Dünya kitabxanalarında saxlanılan Azərbaycan əlyazmalarının araşdırılması mühüm məsələdir
ANA SƏHİFƏ / Elm və texnika
02:06 13.06.2018

İyunun 13-də Azərbaycan Milli Elmlər Akademiyasının (AMEA) Məhəmməd Füzuli adına Əlyazmalar İnstitutunda “Azərbaycan əlyazmaları dünya kitabxanalarında” mövzusunda üçüncü beynəlxalq elmi konfrans keçirilib.

AZƏRTAC xəbər verir ki, tədbir Azərbaycan Xalq Cümhuriyyətinin 100 illik yubileyinə həsr olunub.

AMEA-nın vitse-prezidenti, akademik İsa Həbibbəyli bildirib ki, üçüncü dəfədir keçirilən konfrans dünya kitabxanalarında saxlanılan əlyazmalarla tanışlığa imkan yaradır. Bu əlyazmaların araşdırılması çox mühüm məsələdir.

AMEA-nın Humanitar Elmlər Bölməsinin akademik-katibi, Əlyazmalar İnstitutunun direktoru, akademik Teymur Kərimli konfransın məram və məqsədi barədə məlumat verib.

Sonra institut direktorunun müavinləri, filologiya elmləri doktorları, professorlar Aybəniz Əliyeva -Kəngərlinin “Cümhuriyyət dövrünün ədəbi konsepsiyasi (M.Ə.Rəsulzadənin ədəbi görüşləri)”, Paşa Kərimovun “Nəsib bəy Yusifbəylinin “Təslim” hekayəsi”, həmçinin filologiya elmləri doktoru Nailə Səmədovanın “Azərbaycan Xalq Cümhuriyyətinin təşəkkülündə Yusif Vəzirin fəaliyyəti”, tarix üzrə fəlsəfə doktoru Esmira Cavadovanın “Müasir Azərbaycan Respublikasi Azərbaycan Xalq Cümhuriyyətinin hüquqi varisidir” mövzularında məruzələri dinlənilib.

Daha sonra konfrans işini bölmələrdə davam etdirib.