Alternative content

20:29 18 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV FIFA yeni reytinq hesablama sistemini açıqlayıb
FIFA yeni reytinq hesablama sistemini açıqlayıb
ANA SƏHİFƏ / İDMAN
05:06 11.06.2018

FIFA milli komandaların yeni reytinq hesablama sistemini açıqlayıb.

AZƏRTAC xəbər verir ki, yenilənmiş reytinq Rusiyada keçiriləcək dünya çempionatından sonra tətbiq olunacaq.

Yeni reytinqə əsasən, beynəlxalq yoldaşlıq görüşü üçün 10, qeyri rəsmi oyunlar üçün 5 xal nəzərdə tutulub.

UEFA Millətlər Liqasının qrup mərhələsinin oyunları üçün yığmaların aktivinə 15, UEFA Millətlər Liqasının “pley-off” və final matçları üçün 25 xal əlavə olunacaq.

Həmçinin FIFA qitə və dünya çempionatlarının final mərhələlərinin seçmə oyunları üçün 25, qitə çempionatlarının final mərhələsində 1/4 finaladək oyunlar üçün 35 xal nəzərdə tutulub.

Qitə çempionatlarının 1/4 final mərhələsindən sonrakı oyunlar və FIFA konfederasiyalar kubokunun bütün oyunları üçün komandalar 40, dünya çempionatının 1/4 final mərhələsinədək oyunlar üçün 50, dünya çempionatının 1/4 final mərhələsindən sonrakı oyunlar üçün 60 xal qazanacaqlar. Bu görüşlərdə qələbə 1, heç-heçə 0,5, məğlubiyyət isə 0 əmsalla qiymətləndiriləcək.

Digər tərəfdən, qitələrarası əmsallar ləğv olunacaq. Hazırda istifadədə olunan versiyada Avropa və Cənubi Amerika komandaları ilə oyunlara Afrika, Şimali və Mərkəzi Amerika, Asiya, Okeaniya yığmaları ilə görüşlərdəkindən daha çox xal hesablanır.

Böyük yarışların ev sahibləri üçün ayrıca hesablama olacaq. Dünya çempionatının seçmə mərhələsində iştirak etmədiyi üçün Rusiya yığması 70-ci pilləyə enib və bu göstərici ilə mundialın ən aşağı reytinqli komandası olub.