Bakıda “LİBRAFF Park Akademiya” kitab mağazasının açılışı olub
İyunun 8-də “LİBRAFF Park Akademiya” kitab mağazasının açılışı və Avropa Azərbaycan Cəmiyyətinin (TEAS) Azərbaycan Xalq Cümhuriyyətinin 100 illiyinə dair kitablarının sərgisinə həsr edilən tədbir keçirilib. AZƏRTAC xəbər verir ki, tədbirdə çıxış edən Avropa Azərbaycan Cəmiyyətinin (TEAS) sədri Tale Heydərov “LİBRAFF Park Akademiya” kitab mağazasının açılmasının Azərbaycanda kitab ticarətinin inkişaf etdirməklə bərabər, ədəbiyyatın və mütaliənin təbliğatı missiyasını daşıdığını bildirib. “Bu kitab mağazası Milli Elmlər Akademiyasının, bir sıra böyük təhsil ocaqlarının yerləşdiyi ərazidə fəaliyyət göstərəcək. Yəni, tələbələr çox rahatlıqla bu kitabxananın xidmətlərindən istifadə edə biləcəklər. Ümid edirəm ki, bu kitab mağazası oxucuların, o cümlədən tələbələrin ən sevimli məkanlarından birinə çevriləcək. Oxucular burada dünyanın ən görkəmli nəşriyyatlarının nəşrləri, müasir poliqrafiyanın son nailiyyətləri ilə tanış ola biləcək. Bununla da “LİBRAFF Park Akademiya” elmi-mədəni və kitab mərkəzi kimi formalaşacaq”,- deyə TEAS-ın sədri vurğulayıb.
“LİBRAFF”ın yaranması yolunda “TEAS Press” Nəşriyyat Evinin mühüm rol oynadığını qeyd edən Tale Heydərov bildirib ki, “TEAS Press”, “3 alma” və “Yay” markaları ilə çıxan kitablar artıq oxucuların sevimli nəşriyyat brendlərinə çevrilib. Həmin kitablar təkcə ölkə daxilində deyil, xaricdə də oxucular tərəfindən böyük rəğbət qazanıb.
“Bu gün, həmçinin Avropa Azərbaycan Cəmiyyətinin Azərbaycan Xalq Cümhuriyyətinin 100 illiyinə dair kitablarının da təqdimatı təşkil edilib. Bildiyimiz kimi, Azərbaycan Prezidenti İlham Əliyev 2018-ci ili “Azərbaycan Xalq Cümhuriyyəti ili” elan edib. Ölkəmizdə və xaricdə Azərbaycan Xalq Cümhuriyyətinin 100 illiyi ilə bağlı silsilə tədbirlər keçirilir. Azərbaycan Avropa Cəmiyyəti də bu tarixi hadisəyə öz töhfəsini verməyə çalışır. Belə ki, cəmiyyət tərəfindən Azərbaycan Xalq Cümhuriyyətinin 100 illiyi ilə bağlı kitablar nəşr edilir. Onların içərisində Türkiyə Respublikasının Osmanlı dövrü arxivləri və mətbuatından toplanmış sənəd və materiallardan ibarət 4 toplu mühüm yer tutur. Həmçinin 1923-1927-ci illərdə Məmməd Əmin Rəsulzadənin rəhbərliyi və redaktorluğu ilə İstanbulda çıxmış “Yeni Kafkasya” dərgisnin bütün saylarını əhatə edən dörd cildlik də bu gün burada nümayiş etdirilir”.
“LİBRAFF” kitab mağazasının açılmasının Azərbaycan ədəbiyyatı və oxucular üçün böyük töhfə olduğunu bildirən mədəniyyət nazirinin müavini Vaqif Əliyev belə bir kitabxananın yaradılmasında zəhməti olan hər kəsi və oxucuları təbrik edib.
Azərbaycan Xalq Cümhuriyyətinin 100 illiyində belə bir kitabxananın açılmasının təqdirəlayiq hal olduğunu qeyd edən nazir müavini deyib ki, Azərbaycan Xalq Cümhuriyyətində də elmə, təhsilə, maariflənməyə böyük önəm verilirdi.
“Bu kitab mağazasının açılması Azərbaycanda elmə, təhsilə marağın göstəricisidir. Azərbaycanda kitaba hər zaman diqqət olub. Kitab bizə bir sərvət olaraq miras qalıb. “Avesta”, “Kitabi-Dədə Qorqud” kimi ədəbiyyat nümunələrimiz Azərbaycan xalqının ta qədimdən başlayaraq belə gözəl əsərlər yaratdığını sübut edir”, - Vaqif Əliyev vurğulayıb.
Hər bir xalqın parlaq gələcəyində kitabın rolunu qeyd edən Azərbaycanın xalq yazıçısı Çingiz Abdullayev deyib: “Əgər bir xalq inkişaf etmirsə, o xalqın gələcəyi yoxdur və heç nəyə də nail ola bilməz. Kitablarımız dünyada nə qədər çox tanınsa, bizi də o qədər çox tanıyacaqlar. Yazıçı xalqın ədəbiyyatda vəkilidir. O, xalqı təmsil edir. Əgər sən Azərbaycan yazıçısısansa və öz xalqını müdafiə etmirsənsə, bəs onda bunu kim etməlidir? Əlbəttə, sən etməlisən. Azərbaycan yazıçısı xalqının tərəfində olmalıdır”.
Avropa Azərbaycan Cəmiyyətinin Azərbaycanşünaslıq Mərkəzinin rəhbəri professor Kərim Şükürov bildirib ki, bu gün “LİBRAFF” kitab mağazaları şəbəkəsinin açılması ölkəmizin sosial-mədəni həyatında mühüm hadisələrdəndir. Azərbaycanda kitabı çox oxuyanlar haqqında belə deyirlər ki, o, kitabla danışır. Bu gözəl məkana gələnlərin hər biri yüzlərlə yeni kitabla tanış olacaq. Onlar burada kitablarla danışmaq imkanı əldə edəcəklər. O bildirib ki, qədim zamanlardan həmişə kitaba dərin diqqət olub. 1300 illiyini dünyada təntənə ilə qeyd etdiyimiz “Kitabi-Dədə Qorqud” dastanı göstərir ki, bizim kitabçılıq mədəniyyətimizin böyük tarixi var.
Milli Məclisin deputatı Musa Qasımlı qeyd edib ki, bu gün Azərbaycanın mədəni, ictimai həyatında önəmli bir gündür. Bu kitab mağazası həm məkanına, həm də tərtibatına görə gözəldir. Buradakı kitablar poliqrafiyasına görə də xüsusilə fərqlənir. Bu kitabların Azərbaycanda nəşr edilməsi isə ölkəmizdə yeni poliqrafiya mədəniyyətini formalaşdırır. Bu, poliqrafiya işində bizim üçün yeni bir səhifədir.
Mərasim bədii hissə ilə davam etdirilib.
Qeyd edək ki, 2017-ci ildə yaradılmış “LİBRAFF” Azərbaycanda ən böyük modern kitab mağazaları şəbəkəsidir. “LİBRAFF” kitab mağazaları paytaxtımızın əsas görkəmli yerlərində, Heydər Əliyev Beynəlxalq Hava Limanında və tanınmış ticarət mərkəzlərində, həmçinin Gəncədə oxucuların xidmətinə verilib.
“LİBRAFF” Azərbaycan, rus, ingilis, türk və digər dillərdə olan zəngin kitabxanası ilə insanların xidmətindədir. Mağazalarda yerli və aparıcı dünya nəşriyyatlarının klassik əsərləri, xüsusi seçilmiş müasir ədəbiyyat nümunələri, uşaq və yeniyetmələrin fərdi inkişafına istiqamətlənmiş əyləncə və oxu materialları təqdim olunur. Mövzu zənginliyi, çap və kağız keyfiyyəti ilə uzun illər şəxsi kitabxanaların ayrılmaz hissəsi olacaq.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
Bakı şəhərətrafı dəmir yolu nəqliyyatı ilə sərnişindaşıma fəaliyyəti üzrə subsidiya verilməsi Qaydal...
28 Mart
Gürcüstanda ölüm halları artır - Statistika
28 Mart
Cənubi Afrika Respublikasının Prezidenti Matamela Siril Ramafozadan
28 Mart
Kənd Təsərrüfatı Nazirliyinin aparat rəhbəri Biləsuvarda vətəndaşları qəbul edib
28 Mart
Bayden Trampı 3 faiz fərqlə qabaqlayır - SORĞU
28 Mart
ABŞ Nümayəndələr Palatasının heyəti Türkiyəyə gələcək
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!