Alternative content

07:55 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Qocalma prosesini ləngidən həb hazırlanıb
Qocalma prosesini ləngidən həb hazırlanıb
ANA SƏHİFƏ / Səhiyyə
11:06 08.06.2018

Uzun müddətdir ki, insan orqanizminin təbii qocalma müddətini ləngitmək məsələsi bir çox mütəxəssisləri düşündürür. Orta əsrlərdə körpələrin qanı ilə yuyunmaq da daxil olmaqla bir çox cavanlaşma metodları irəli sürülürdü.

AZƏRTAC Rusiya KİV-lərinə istinadla xəbər verir ki, Yeni Cənub Uelsi Universitetində tədqiqat aparan avstriyalı alimlər, özlərinin də iddia etdikləri kimi, qocalmaya qarşı həb hazırlayıblar. Bildirilir ki, bu həblərin qəbul edilməsi ilə DNT-ni bərpa etmək mümkündür. Yeni preparatın əsasını NAD+ metaboliti təşkil edir. Həbi siçanların üzərində sınaqdan keçiriblər. Alınan nəticələrə görə, bu preparat DNT hüceyrələrini sağaltmaq üçün, habelə təkcə qocalmaq əleyhinə deyil, radiasiyaya qarşı da təsirli vasitədir.

Alimlər hər bir canlı orqanizmin hüceyrələrində təbii şəkildə mövcud olan NAD+ metabolitinin sözügedən proseslərə təsirini əvvəllər də bilirdilər. Həbin sınaq mərhələsində olmasına baxmayaraq, artıq çox ciddi təşkilatlar, o cümlədən NASA ona maraq göstərib. Mütəxəssislər Marsa növbəti ekspedisiya zamanı bu preparatdan istifadə olunacağını ehtimal edirlər. Məsələ ondadır ki, kosmik səyahətlər DNT-nin sürətlə qocalmasına səbəb olur. Bunun səbəbi isə kosmik şüalanmadır. Yeni preparat bu amillərə qarşı mübarizə aparmağa kömək edəcək.