07 Iyun 2018 02:06
701
Səhiyyə
A- A+

Son zamanlar ölkəmizdə beyin yorğunluğundan şikayət edənlərin sayı artıb

Xroniki yorğunluq ötən əsrin əvvəllərindən tibb elminə məlum olan xəstəliklərdən biridir. Müasir dövrdə geniş yayılan xroniki yorğunluğun ilk nümunələrinə Avropa və ABŞ-da rast gəlinib.

AZƏRTAC tibbi saytlara istinadla xəbər verir ki, xroniki yorğunluq sindromu ilk dəfə 1984-cü ildə aşkar olunub. Sindrom daha çox ali təhsilli gənclər arasında yayıldığına görə onu bəzən “cavan karyeristlərin qripi” də adlandırırlar. ABŞ-da aparılan araşdırmalara əsasən ölkə əhalisinin 10 milyon nəfərə qədəri həmin sindromdan əziyyət çəkir.

Psixoterapevt Əli Nağıyevin dediyinə görə, son vaxtlar ölkəmizdə həmin şikayətlərlə müraciət edənlərin sayı artıb:” Daim yorğunluq, səhərlər yuxudan oyana bilməmək, axşamlar gec yatmaq istəyi xroniki yorğunluq əlamətləridir. Həmin sindrom bir çox problemlərdən qaynaqlanır. Buna depressiv pozuntu, vitamin D və qanda dəmir elementinin çatışmazlığı, qan azlığı da səbəb ola bilər”.

Yaradıcı və gərgin iş rejimində çalışanlar xroniki yorğunluq sindromundan daha çox əziyyət çəkirlər. Onlar daha çox beyin yorğunluğundan şikayətlənirlər ki, bu da xroniki yorğunluğun ilk əlaməti hesab olunur: “İki həftədən artıq daim beyin yorğunluğundan şikayətlənmək depressiv pozuntudan da şübhələnməyə əsas verir. Həmin hal xüsusilə təşviş və həyəcan pozuntusu adlanan nevrozlardan əmələ gəlir”.

Həmin hallarla üzləşənlərin gur informasiya axınından uzaq olmaları məsləhətdir. Bu cür simptomları özlərində müşahidə edənlərə əsəbləri sakitləşdirən musiqi dinləmək, kitab oxumaq və yoqa ilə məşğul olmaq tövsiyə olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video