Alternative content

22:29 18 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Çövkən oyunu üzrə “100 İllik Yubiley Kuboku”nun yarımfinalçıları məlum olub
Çövkən oyunu üzrə “100 İllik Yubiley Kuboku”nun yarımfinalçıları məlum olub
ANA SƏHİFƏ / İDMAN
03:06 06.06.2018

Azərbaycan Respublikası Atçılıq Federasiyasının (ARAF) Azərbaycan Xalq Cümhuriyyətinin yaradılmasının 100 illik yubileyi münasibətilə təşkil etdiyi Milli Atçılıq Festivalı çərçivəsində keçirilən çövkən milli atüstü oyunu üzrə “100 İllik Yubiley Kuboku” turnirinin ikinci günündə - iyunun 6-da yarımfinalçılar məlum olub.

AZƏRTAC xəbər verir ki, ilk görüşdə “Ağstafa” və “Omar” komandaları üz-üzə gəliblər. Maraqlı və gərgin idman mübarizəsi şəraitində keçən oyunda “Omar” kollektivi 2:0 hesabı ilə qalib gəlib. Digər oyunda isə “Buta Qolden” komandası “Murad” kollektivini qarşılaşmanın sonuncu dəqiqəsində vurduğu qolla 2:1 hesabı ilə məğlubiyyətə uğradıb. Beləliklə, “Omar” və “Buta Qolden” komandaları yarımfinala yüksəliblər. Yarımfinalda mübarizə aparacaq digər komandalar “Sərhədçi” və “Polad” olacaq.

Yarımfinal mərhələsinin oyunları iyunun 7-də təşkil olunacaq. İyunun 9-da isə üçüncü yer uğrunda görüş və final qarşılaşması ilə turnirə yekun vurulacaq.

Turnirin ümumi mükafat fondu 50 min manatdır.