Alternative content

01:45 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakıda velosiped idmanının BMX növü üzrə dünya çempionatının açılış mərasimi olub
Bakıda velosiped idmanının BMX növü üzrə dünya çempionatının açılış mərasimi olub
ANA SƏHİFƏ / İDMAN
11:06 05.06.2018

İyunun 5-də Bakıda velosiped idmanının BMX növü üzrə dünya çempionatının açılış mərasimi olub.

AZƏRTAC xəbər verir ki, tədbirdə yarışın Təşkilat Komitəsinin sədri, Baş nazirin birinci müavini Yaqub Eyyubov, gənclər və idman naziri Azad Rəhimov, Azərbaycan Velosiped İdmanı Federasiyasının (AzVİF) birinci vitse-prezidenti, Avropa Velosipedçilər Birliyinin (UEC) Rəhbər Komitəsinin üzvü, dünya çempionatının keçirilməsi ilə bağlı yaradılmış işçi qrupunun rəhbəri Sahib Ələkbərov, Milli Olimpiya Komitəsinin vitse-prezidenti Çingiz Hüseynzadə və digər şəxslər iştirak ediblər.

Açılış mərasimində dünya çempionatının iştirakçılarını salamlayan Baş nazirin birinci müavini, Təşkilat Komitəsinin sədri Yaqub Eyyubov Azərbaycanın nüfuzlu yarışlara yüksək səviyyədə ev sahibliyi etdiyini vurğulayaraq deyib: “Gündən-günə inkişaf edən qonaqpərvər Azərbaycan artıq dünyanın ən güclü idman ölkələrindən biri kimi tanınmaqdadır. Bunun nəticəsidir ki, beynəlxalq idman qurumları böyük yarışların təşkilatçılıq hüququnu tərəddüd etmədən ölkəmizə etibar edirlər. 2015-ci ildə ilk Avropa Oyunları, 2016-cı ildə 42-ci Ümumdünya Şahmat Olimpiadası, 2017-ci ildə IV İslam Həmrəyliyi Oyunları Azərbaycanın təşkilatçılıq potensialının kifayət qədər yüksək olduğunu bir daha bütün dünyaya göstərdi. Beynəlxalq Velosipedçilər İttifaqının builki dünya çempionatının Bakıda keçirilməsi barədə qərarını ölkəmizdə idman və bədən tərbiyəsi sahəsində əldə olunan nailiyyətlərə verilən yüksək qiymət kimi dəyərləndiririk”.

Müstəqil Azərbaycan Respublikasının qurucusu, ümummilli lider Heydər Əliyevin idmanı ölkənin suverenliyini nümayiş etdirən rəmzlərdən biri kimi dəyərləndirdiyini vurğulayan Yaqub Eyyubov idmanın Azərbaycan xalqının həyat tərzinin mühüm hissəsi olduğunu bildirib. Baş nazirin birinci müavini deyib ki, ölkəmizdə idmanın bütün növlərinin inkişafına xüsusi diqqət və qayğı ilə yanaşan Azərbaycan Respublikasının Prezidenti İlham Əliyevin Sərəncamı ilə yaradılmış Təşkilat Komitəsi bu yarışın yüksək səviyyədə keçirilməsi üçün lazım olan bütün tədbirləri görüb. Diqqətə çatdırılıb ki, Beynəlxalq Velosipedçilər İttifaqının rəhbərliyi və ekspertləri yarışın keçirilməsi üçün görülmüş bütün təşkilati tədbirlərin və meydançanın müasir tələblərə cavab verdiyini, çempionatın yüksək səviyyədə keçirilməsi üçün tam hazır olduğunu bildiriblər.

“Əminik ki, çempionat uğurla keçəcək və bu möhtəşəm yarışın iştirakçıları, qonaqlar ölkəmizdən xoş təəssüratla ayrılacaq, Bakıda keçirdikləri hər günü yaddaşlarında həyatlarının ən gözəl anları kimi saxlayacaqlar”, - deyən Yaqub Eyyubov yarışı açıq elan edib.

Daha sonra Azərbaycan Respublikasının dövlət himni səsləndirilib.

Açılış mərasimindən sonra “Challenge” kateqoriyasında yarışan kiçik yaşlı yeniyetmələrin və veteranların mübarizəsinə start verilib.

Qeyd edək ki, iyunun 9-dək davam edəcək mötəbər yarışda 43 ölkədən 1500-dən artıq idmançı mübarizəyə qoşulub. Dünya çempionatında Azərbaycan 8 idmançı ilə təmsil olunur. “Challenge” kateqoriyasında yarışacaq velosipedçilərdən Xəyal İbrahimov, Soltan İsrafilov və Justinas Pavlovas mübarizəyə iyunun 6-da qoşulacaqlar. İyunun 7-də Orxan Məmmədov, Vüqar Nəsibov, Kənan Babayev və Yelmar Şahmarzadə çıxış edəcəklər. Elit kateqoriyasında yarışacaq Aqşin İsmayılov isə iyunun 8-də start xəttinə çıxacaq.