Alternative content

02:07 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bilik Fondu uşaqlara nağıl kitabları hədiyyə edib
Bilik Fondu uşaqlara nağıl kitabları hədiyyə edib
ANA SƏHİFƏ / Elm və texnika
08:06 01.06.2018

Azərbaycan Respublikasının Prezidenti yanında Bilik Fondunun təşkilatçılığı ilə 1 iyun – Uşaqların Beynəlxalq Müdafiəsi Günü müxtəlif məkanlarda qeyd olunub.

Fonddan AZƏRTAC-a bildirilib ki, “Ümid İşığında” Uşaqların Sağlam Gələcəyi İctimai Birliyinin nəzdində reabilitasiya kursu keçən uşaqlarla görüşdə balacalara sovqat təqdim olunub, nağıl kitabları hədiyyə edilib.

Həmin gün Astara şəhərinin Heydər Əliyev parkında da tədbir təşkil olunub. İştirakçılar yerli Bilik evinin “Rəssamlıq” dərnəyi üzvlərinin əl işlərindən ibarət sərgiyə baxış keçiriblər. Dərnəyin rəhbəri Cəmalə Məmmədova rəsmlər haqqında məlumat verib.

Növbəti tədbir Bilik Fondunun Abşeron rayon nümayəndəsi Teyyubə Hüseynovanın təşəbbüsü ilə onun direktor olduğu Saray qəsəbə 3 nömrəli tam orta məktəbdə gerçəkləşib. Təhsil ocağının VII-VIII sinif şagirdlərinin iştirak etdiyi tədbirdə Ombudsman Aparatının əməkdaşları – baş mütəxəssislər İlahə Əfqanlı və Murad Babayev uşaq hüquqları ilə bağlı qanunvericilikdə əksini tapan müddəalardan, bu sahədə hökumətin gördüyü işlərdən danışıblar.

İnteraktiv formada keçən tədbirdə məktəblilərə məlumat kitabçaları paylanılıb.