01 Iyun 2018 04:06
562
Səhiyyə
A- A+

Yayda vitaminlərlə zəngin qidalar qəbul edilməlidir

Sağlam orqanizmə sahib olmaq üçün düzgün qidalanma çox mühüm məsələlərdən biridir.

AZƏRTAC xəbər verir ki, qida rasionunun düzgün təşkili zamanı zərərli vərdişlərin olmaması və vitaminlərlə zəngin qidaların qəbul edilməsi çox vacibdir. Xüsusilə yayda gün ərzində ən azı 2-3 litr su içilməlidir. Səhər yuxudan oyanan kimi bir stəkan ilıq su içmək orqanizmə çox faydalı təsir göstərir. Yeməkdən 10-15 dəqiqə əvvəl də bir stəkan su xeyirlidir, lakin yemək zamanı maye qəbul etmək məsləhət görülmür. Belə ki, maye 10 dəqiqə sonra mədədən sovrulur və bu zaman özü ilə bərabər mədə şirəsini də yuyub aparır. Bu da qidanın həzm olunmasını ləngidir.

İsti havalarda soyuq qidalara olan tələbat artır, belə qidalar mədədə həzmedici şirələrin fəaliyyətini dondurur, mədə ilə yanaşı dişlərə də böyük zərər vurur. Çox isti çay içmək və isti xörək yemək də mədəni zədələyir. Əsasən yay aylarında kofe, qara çay, isti şokolad, kakao, hisə verilmiş ət qəbulu məsləhət görülmür. Qurudulmuş və ya mövsümi meyvələrə üstünlük verilməsi daha yaxşıdır.

Yeməklərin qarışdırılması, bir neçə növ xörəyin eyni vaxtda qəbul edilməsi həzmi çətinləşdirir və zəhərlənməyə zəmin yaradır. Yay yeməyini şirəli meyvələrlə başlamaq daha düzgündür. Rasiona 2-3 qoz və badam da əlavə etmək olar. Gün ərzində azı bir qab tərəvəz salatı yeyilməlidir. Yağlı qidalardan mümkün qədər az istifadə etmək lazımdır, yağlar həzmi yubadır, mədə-bağırsaq sistemində çürüməyə səbəb olur. Orqanizmə vaxtaşırı istirahət verilməsi də çox faydalıdır. Həftədə, yaxud iki həftədə bir gün tamamilə ac qalmaq xüsusilə bu sahədə yaxşı təsir göstərir. Çox yemək orqanizm üçün lazımsız yük rolu oynayır.

Ümumiyyətlə orqanizmdə hansısa problemlərin yaranmasının qarşısını almaq üçün yeməklərdə duzun miqdarı azaldılmalıdır, ürək-damar xəstəliyindən əziyyət çəkənlərin gündəlik rasionunda isə duzdan qətiyyən istifadə olunmamalıdır. Şirniyyat və şəkərdən istifadə edilməsi də mümkün qədər azaldılmalı, fast-fudlardan isə imtina edilməlidir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video