Alternative content

06:42 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “Təhsil sosial mediada” layihəsinin iştirakçıları mükafatlandırılıb
“Təhsil sosial mediada” layihəsinin iştirakçıları mükafatlandırılıb
ANA SƏHİFƏ / Təhsil
01:06 01.06.2018

 

Mayın 31-də Təhsil Nazirliyində “Təhsil sosial mediada” layihəsi çərçivəsində təhsil işçilərinin mükafatlandırılması mərasimi keçirilib.

AZƏRTAC xəbər verir ki, tədbirdə təhsil nazirinin müavini Firudin Qurbanov “Təhsil sosial mediada” layihəsi barədə ətraflı məlumat verib. F.Qurbanov qeyd edib ki, layihə Azərbaycanda təhsilin inkişafı ilə bağlı strateji hədəflərin reallaşdırılması sahəsində həyata keçirilən islahatyönümlü tədbirlərin mahiyyətinin təbliğ və təşviqini gücləndirmək, həmin istiqamətdə aparılan maarifləndirmə işlərinin səmərəliliyini yüksəltmək, habelə bu prosesə ictimai dəstəyin genişləndirilməsini təmin etmək məqsədi daşıyır.

“Azərbaycan Respublikasında təhsilin inkişafı üzrə Dövlət Strategiyası”nın təsdiq edilməsi haqqında dövlət başçısının 2013-cü il 24 oktyabr tarixli sərəncamını xatırladan nazir müavini  bu istiqamətdə aparılan islahatların uğurlu nəticələrindən bəhs edib. Təhsil sahəsində aparılan yeniliklərdən danışan F.Qurbanov  iştirakçılara gələcək fəaliyyətində uğurlar arzulayıb.

Çıxış edənlər layihə ilə bağlı fikirlərini bölüşüb, aparılan islahatlara öz töhfələrini verməyə hazır olduqlarını bildiriblər.

Sonra layihə iştirakçıları təhsil sahəsində həyata keçirilən tədbirlər haqqında ictimaiyyətdə obyektiv rəyin formalaşdırılmasına, bu sahədə səmərəli fəaliyyətlərinə görə Təhsil Nazirliyinin təşəkkürnaməsi ilə təltif olunublar.