Alternative content

03:12 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Yaxşıları əxz edək
Yaxşıları əxz edək
ANA SƏHİFƏ / Oxucu məktubları
12:06 01.06.2018

 

Biz elə bir zəmanədə yaşayırıq ki, dünyanın o başında baş verən hadisələrdən, yeniliklərdən dünyanın bu başında dərhal xəbər tuta bilirik. Digər tərəfdən indi əvvəlki dövrlərlə müqayisədə o ölkədən bu ölkəyə gediş-gəliş həm asanlaşıb, həm də artıb. Bu isə o deməkdir ki, öyrənməli, görüb-götürməli çox şey var. Ağıllı, istedadlı insanlar belə də edirlər. Yaxşılardan öyrənir, pislərdən uzaq dururlar.

Mətləbdən uzaq düşməyək. Demək istədiklərim geyimlə, dəblə bağlıdır.

İndi küçələrdə, ictimai yerlərdə sürtülmüş, yamaqlı, cırıq, hətta çirklənmiş təsiri bağışlayan şalvarlar geyinən gənc oğlan və qızlara tez-tez rast gəlmək olur. Görəsən, onlar bu dəbi haradan götürüblər, bununla nə demək istəyirlər?! Yəqin ki, bu suala onların özləri də cavab verməkdə çətinlik çəkərlər. Təəccüblü odur ki, bu xoşagəlməz tendensiya efir məkanına da ayaq açıb. Qıçlarını bir-birinin üstünə aşırıb dizini, yaxud cırıq şalvarını nümayiş etdirən aparıcılar da var.

Axı, paltar təkcə zahiri görünüş üçün deyil, insanın daxili aləminin, onun həyat tərzinin, zövqünün də bir göstəricisidir.

Unutmayaq ki, xalqımız həmişə səliqəli, zövqlü geyimləri ilə seçilib. Ərənlərimizin, bəyzadələrimizin geyimində igidliyi, mərdliyi özündə ehtiva edən elementlər üstünlük təşkil edib, xanım-xatın qızlarımız, gəlinlərimiz geyimlərində daha çox abır-həya, gözəllik simvolu olan çalarlara üstünlük veriblər. 

 

Elbrus MƏMMƏDOV,

Bərdə rayonu