01 Iyun 2018 12:06
2503
Oxucu məktubları
A- A+

Yeni park salınır

 

Quba Azərbaycanın gözəl guşələrindən biridir. Burada elə kəndlər var ki, hərəsi kiçik bir xalqı təmsil edir. Yəni, kəndin öz dili, adətləri və digərlərindən fərqli cəhətləri var. Bu baxımdan Quba tolerantlığı, müxtəlif dillərdə dansan insanların bir ailədə mehriban yaşamasını nümayiş etdirən nadir bölgələrdən biridir.

Ələlxüsus, bu birlik bayramlarda özünü daha aydın büruzə verir. Vaxtilə belə tədbirlər şəhərin mərkəzindəki parklarda, Dədə  Qorqud meydanında keçirilərdi. Heydər Əliyev parkı salındıqdan sonra bütün bayramlar orada təşkil olunur.

Qubalılar park sarıdan korluq çəkməsələr də, belə parkların sayı artmaqdadır. Bununla belə, bir müddət əvvəl rayon rəhbərliyinin əhali ilə səyyar görüşündə parkların çoxaldılmasını xahiş etdik. Dedik ki, yaşıllıqlar həm gözəllikdir, həm də əhalinin sağlamlığı üçün zəruridir.  Çox sağ olsunlar ki, sözümüzü yerə salmadılar. Tezliklə rayon mərkəzində yeni parkın salınması barədə qərar qəbul edildi. Artıq bir aya yaxındır ki, Quba Müalicə Diaqnostika Mərkəzinin qarşısında yeni mədəniyyət və istirahət parkının salınmasına başlanılıb. Parkın əhatə etdiyi 5500 kvadratmetr sahədə qazıntı işləri aparılıb, ətrafında 2 metr hündürlüyündə mişar daşından istinad divarı çəkilib.

Parkın ərazisi maili olduğu üçün hər biri 500 kvadratmetrə yaxın 8 meydança tikilir. Bu meydançaların ətrafında çəmənlik salınacaq, müxtəlif dekorativ ağac və gül kolları əkiləcək, oturacaqlar qoyulacaq, uşaqlar üçün əyləncə vasitələri quraşdırılacaq.

Mərtəbə-mərtəbə hazırlanan meydançaların birindən digərinə keçid üçün pilləkənlər tikilir. Parkda kommunikasiya xətləri çəkiləcək, müasir işıqlandırma sistemi təkcə buranın deyil, yaxınlıqdakı ərazinin də gözəlliyini daha da artıracaq.

Biz, rayon camaatı demək olar hər gün inşaatçıların yanına gəlir, yeri düşəndə  onlara kömək edirik. Niyə də etməyək? Axı, orada biz istirahət edəcəyik. Yaxın vaxtlarda parkın tikintisi başa çatacaq. Bu park təkcə qubalıların deyil, qonaqlarımızın da sevimli məkanına çevrıləcək.

 

Qəhraman QASIMOV,

əməkdar jurnalist,

Quba

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video