01 Iyun 2018 12:06
1831
Oxucu məktubları
A- A+

Hər peşənin öz xüsusiyyəti var

 

Hər peşənin öz xüsusiyyəti var. Şəbəkə hazırlananda  yapışqan, mismar və digər bərkidici materiallardan istifadə olunmur. Bu sənətdən söz düşəndə ilk növbədə adı çəkilən şəhərlərdən biri Şəkidir. Hazırda Şəkidə 18 sənət növü üzrə 300 nəfərə yaxın sənətkar məşğul olur.

Onlardan biri İlqar Rəsulovdur. Onun babası  sağlığında şəbəkə ustası kimi ad çıxarmış, Azərbaycan Respublikasının əməkdar mədəniyyət işçisi fəxri adına layiq görülmüşdür. İlqarın atası da şəbəkə ustasıdır. Azərbaycan Respublikası Rəssamlar İttifaqının üzvüdür. İlqar deyir ki, bu sənəti seçməkdə atasının da böyük əməyi olub. İlqar 18 yaşından müstəqil fəaliyyət göstərir. Dəfələrlə Şəkidə, Bakıda, xarici ölkələrdə keçirilən sərgilərdə iştirak edib. Buna hər il Dənizkənarı Milli Parkda təşkil edilən Novruz şənliklərini, Dünya Azərbaycanlılarının Həmrəyliyi Günü münasibətilə keçirilən həvəskar rəssamların və xalq tətbiqi sənət ustalarının əl işlərindən ibarət sərgini, Mədəniyyət və Turizm Nazirliyinin təşkilatçılığı ilə təşkil olunan “Dünəndən bugünə” adlı yaradıcılıq sərgisini misal göstərmək olar.

İlqar Respublika Standarlaşdırma, Metrologiya və Patent üzrə Dövlət Komitəsi tərəfindən patent alıb, bir sıra eskizlərinə Müəllif Hüquqları Agentliyi tərəfindən şəhadətnamə verilib. Bu ilin fevral ayında Gənclər və İdman Nazirliyi tərəfindən “İlin gənci” mükafatına layiq görülüb.

İlqar Rəsulov Şəkidə sənətkarlar üçün yaradılan şəraitdən də razılıq edir. Dedi ki, problemlərinə həssaslıqla yanaşırlar. Şəkinin UNESCO-nun “Yaradıcı şəhərlər şəbəkəsi” siyahısına daxil edilməsi hamının, o cümlədən həmkarlarımın  hədsiz sevincinə səbəb olub. Ölkəmizdə mədəni irsin qorunması və dünyada tanınması istiqamətində dövlət səviyyəsində iş aparılır. Bu da onun nəticələrindən biridir. Axır sözü bu oldu ki, xalqımız ən çətin dövrlərdə belə öz zəngin milli-mənəvi irsini, adət-ənənələrini yad təsirlərdən qoruyub saxlamış, nəsildən-nəslə ötürmüşlər. Biz niyə qoruyub saxlamayaq, gələcək nəsillərə çatdırmayaq?!

 

İsmayıl İSMAYILOV,

Şəki şəhəri

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video