Alternative content

15:17 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Moldova Respublikasının Qaqauz Yeri Muxtar Ərazi Qurumunun Başçısı İrina Vlaxdan
Moldova Respublikasının Qaqauz Yeri Muxtar Ərazi Qurumunun Başçısı İrina Vlaxdan
ANA SƏHİFƏ / Məktublar
04:05 30.05.2018


Azərbaycan Respublikasının Prezidenti Zati-aliləri cənab İlham Əliyevə

Möhtərəm cənab Prezident.

Qaqauz Yeri Muxtar Ərazi Qurumunun İcra Komitəsi adından Sizə dərin hörmət və ehtiramımı çatdırıram.

Çox hörmətli cənab Prezident, Qaqauz Yeri Muxtar Ərazisinin rəhbərliyi və əhalisi adından Azərbaycan Xalq Cümhuriyyətinin 100 illiyi münasibətilə Sizə ən səmimi təbriklərimi çatdırıram. Bu şanlı və önəmli tarix Azərbaycan xalqının yaddaşında ən parlaq və mühüm günlərdən biri kimi daim qalacaqdır.

Azərbaycan Xalq Cümhuriyyətinin yaranması çoxmillətli Azərbaycan xalqının vahidliyinin, onun azadlıq və ədalətə inamının rəmzi olmuşdur.

Bu gün Azərbaycan Respublikası özünəməxsus nadir tarixi və qeyri-adi mədəni irsi olan müstəqil ölkədir. O, nəinki özünün təkrarolunmaz və əvəzsiz gözəlliyi və torpağı ilə, eləcə də müsəlman Şərqində ilk demokratik dövlət olması ilə də seçilir.

Səmimi qəlbdən Sizə və Azərbaycan Respublikasının bütün sakinlərinə möhkəm cansağlığı, sabitlik və əmin-amanlıq, gələcəyə inam arzu edirəm.

Qoy Azərbaycanın gözəl torpağında hər zaman sülh və rifah, birlik və qarşılıqlı anlaşma hökm sürsün! Bu bayram Azərbaycanın hər bir sakininin qəlbini vəhdət, dostluq, zəngin və demokratik ailəyə mənsubluq qüruru ilə doldursun!

Cənab Prezident, fürsətdən istifadə edərək, bir daha Sizə öz dərin izzət və ehtiramımı ifadə edirəm.

Ən dərin hörmət və xoş arzularla,

 

İrina Vlax

Moldova Respublikasının Qaqauz Yeri Muxtar Ərazi Qurumunun Başçısı