Alternative content

01:47 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV UFAZ-da Fransanın Avropa və Xarici İşlər Nazirliyi fondunun arxiv sərgisinin açılış mərasimi keçirilib
UFAZ-da Fransanın Avropa və Xarici İşlər Nazirliyi fondunun arxiv sərgisinin açılış mərasimi keçirilib
ANA SƏHİFƏ / Təhsil
02:05 27.05.2018

Mayın 27-də Azərbaycan-Fransız Universitetində (UFAZ) Azərbaycan Xalq Cümhuriyyətinin 100 illiyinə həsr olunmuş Fransa Respublikası Avropa və Xarici İşlər Nazirliyi fondunun arxiv sərgisinin açılış mərasimi keçirilib.

Tədbirdə Fransanın Avropa və xarici işlər naziri Jan-İv Lö Drian, Azərbaycanın təhsil naziri Ceyhun Bayramov, Strasburq və “Ren 1” universitetlərinin rektorları, Kosmik Tədqiqatlar Milli Mərkəzinin prezidenti Jan-Iv Lö Gol, “Airbus DS France”nın prezidenti Nikola Şamussi və “Azerkosmos”un prezidenti Rəşad Nəbiyev iştirak ediblər.

AZƏRTAC xəbər verir ki, əvvəlcə qonaqlar Azərbaycan Xalq Cümhuriyyətinə həsr edilmiş arxiv sərgisinin stendləri ilə tanış olublar.

Sonra nazirlər Fransanın “Thales”, Azərbaycanın “Bakı Metropoliteni” Qapalı Səhmdar Cəmiyyəti, Almaniyanın “Schneider Electric” şirkətləri ilə UFAZ arasında əməkdaşlıq memorandumunun imzalanması mərasiminə qatılıblar.

Mərasimdə çıxış edən təhsil naziri Ceyhun Bayramov Azərbaycan Xalq Cümhuriyyətinin 100 illiyi münasibətilə təşkil edilən sərginin tarixi əhəmiyyətindən danışıb.

Azərbaycan və Fransa prezidentlərinin birgə təşəbbüsü ilə gerçəkləşdirilən UFAZ layihəsinin iki ölkə arasında əlaqələrin hərtərəfli inkişafında yeni bir mərhələ olduğunu bildirən nazir qeyd edib ki, layihənin uğurla davam etdirilməsi təhsil sahəsində nadir əməkdaşlığın nəticəsidir.

UFAZ tələbələrinin akademik sahədə mübadiləsinin və gələcək fəaliyyətinin ölkələrimiz arasındakı münasibətləri daha da dərinləşdirəcəyinə inandığını bildirən nazir universitetin qısa zamanda mükəmməl nailiyyətlərə imza atdığını diqqətə çatdırıb.

Fransanın Avropa və xarici işlər naziri Jan-İv Lö Drian 28 May - Respublika Günü münasibətilə fikirlərini bölüşüb, Azərbaycan xalqına sülh və əmin-amanlıq arzulayıb.

Ölkələrimiz arasında təhsil sahəsindəki əlaqələrin və birgə əməkdaşlığın əhəmiyyətindən danışan fransalı nazir UFAZ-ın yaradılmasından böyük məmnunluq hissi keçirdiyini bildirib.

Sonra UFAZ-da təhsil alan tələbələrlə görüş olub.