26 May 2018 10:05
437
Təhsil
A- A+

Seçenov Universitetinin Bakı filialında Azərbaycan Xalq Cümhuriyyətinin 100 illiyi qeyd olunub

İ.M.Seçenov adına Birinci Moskva Dövlət Tibb Universitetinin (Seçenov Universiteti) Bakı filialında Azərbaycan Xalq Cümhuriyyətinin 100 illik yubileyinə həsr olunan tədbir keçirilib.

Universitetin Bakı filialından AZƏRTAC-a bildiriblər ki, tədbirdə filialın rektoru, professor Əziz Əliyev çıxış edərək, Cümhuriyyətin yaranma tarixindən və ölkənin sonrakı inkişafında onun mühüm rolundan danışıb. O bildirib ki, tələbələr Azərbaycanda - siyasi cəhətdən sabit ölkədə doğulduqlarına və yaşadıqlarına görə fəxr etməlidirlər. Şübhəsiz, bu, ümummilli lider Heydər Əliyevin müasir müstəqil Azərbaycan dövlətinin yaradılmasına verdiyi böyük töhfənin nəticəsidir. Bu siyasəti hazırda Prezident İlham Əliyev uğurla davam etdirir.

Tədbir Seçenov Universitetinin Bakı filialının tələbələrinin təqdimatında maraqlı bədii proqramla davam edib. Onların ifasında tanınmış bəstəkarların əsərlərindən parçalar, məşhur şairlərin Azərbaycana həsr etdikləri şeirlər səsləndirilib. Qurban Səidin “Əli və Nino” romanından üçüncü kurs tələbələrinin hazırladıqları səhnəcik alqışlarla qarşılanıb.

Sonra tematik məruzə ilə çıxış edən Azərbaycan dili müəllimi, dosent Dürdanə Rəhimzadə iştirakçıları qarşıdan gələn bayram – Respublika Günü münasibətilə təbrik edib. Müsəlman dünyasında ilk demokratik respublikanın məhz Azərbaycanda yaradılması iftixar hissi ilə qeyd olunub.

Tədbirin sonunda “Son iclas” bədii-sənədli filmi nümayiş etdirilib. Filmin baş prodüseri Bakı Media Mərkəzinin prezidenti Arzu Əliyevadır. Filmin çəkilişləri Heydər Əliyev Fondunun dəstəyi və “BP Azerbaijan” şirkətinin sponsorluğu ilə həyata keçirilib. Ekran əsərində mühüm tarixi hadisə - Cümhuriyyətin şanlı və faciəli taleyindən uzun müddət ötdükdən sonra Azərbaycanın müstəqillik əldə etməsi qeyd olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video