Alternative content

16:00 19 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “AzerGold” QSC-də Xalq Cümhuriyyətinin yaranmasının 100 illiyinə həsr edilmiş tədbir keçirilib
“AzerGold” QSC-də Xalq Cümhuriyyətinin yaranmasının 100 illiyinə həsr edilmiş tədbir keçirilib
ANA SƏHİFƏ / ELANLAR
02:05 26.05.2018

 

24 may tarixində “AzerGold” Qapalı Səhmdar Cəmiyyətinin (QSC-nin) mərkəzi ofisində Respublika Günü və Azərbaycan Xalq Cümhuriyyətinin yaranmasının 100-cü ildönümü münasibətilə tədbir keçirilib.

Rəhbər və işçi heyətin iştirak etdiyi tədbirdə çıxış edən “AzerGold” QSC-nin İdarə Heyətinin sədri Zakir İbrahimov Azərbaycan Respublikası Prezidenti cənab İlham Əliyevin 2018-ci ili “Azərbaycan Xalq Cümhuriyyəti ili” elan etməsi sayəsində Azərbaycan Demokratik Respublikasının yaranmasının 100 illiyinin ölkə daxilində və xaricində böyük təntənə ilə qeyd edildiyini bildirib. Azərbaycan Respublikasının da müstəqilliyin ilk illərində böyük təhlükə ilə üzləşdiyini qeyd edən sədr dahi şəxsiyyət, ulu öndər Heydər Əliyevin siyasi hakimiyyətə qayıdışı ilə ölkəmizin xilas olduğunu, sabit inkişaf yoluna qədəm qoyduğunu vurğulayıb. Zakir İbrahimov Prezident İlham Əliyevin ümummilli liderin kursunu uğurla davam etdirməsini, hazırda ölkəmizin hər bir sahədə dinamik inkişaf etdiyini tədbir iştirakçılarının diqqətinə çatdırıb.

Tədbirdə Azərbaycan Xalq Cümhuriyyətinin tariximizdə qoyduğu silinməz izdən və Azərbaycanın müstəqilliyi üçün möhkəm bünövrə yaratdığından geniş söhbət açılıb.

Daha sonra Heydər Əliyev Fondunun dəstəyi və Arzu xanım Əliyevanın baş prodüserliyi ilə çəkilən, Azərbaycan Xalq Cümhuriyyətinin Paris Sülh Konfransına ezam edilən nümayəndə heyətinin keşməkeşli taleyindən bəhs edən “Əbədi Ezamiyyət” sənədli filmi nümayiş olunub.