22 May 2018 09:05
448
Məktublar
A- A+

Avstraliya İttifaqının General-Qubernatoru Piter Kosqrovdan


Azərbaycan Respublikasının Prezidenti Zati-aliləri cənab İlham Əliyevə

Zati-aliləri.

Azərbaycanın milli bayramı - Respublika Günü münasibətilə Sizə, Azərbaycan Respublikasının hökumətinə və xalqına Avstraliya hökuməti və xalqı adından ən səmimi arzularımı çatdırıram.

Yenidən Azərbaycan Respublikasının Prezidenti seçilməyiniz münasibətilə Sizi təbrik edirəm.

Avstraliya ilə Azərbaycan arasında səmimi dostluq münasibətləri mövcuddur. Avstraliyanın beynəlxalq inkişaf və Sakit okean əməkdaşlığı naziri, senator Konçetta Fierravanti-Uellsin 2017-ci ilin iyun ayında dövlətlərimiz arasında ikitərəfli münasibətlərin qurulmasının 25 illiyini qeyd etmək üçün Bakıda səfərdə olmasını məmnuniyyətlə xatırlayıram.

Avstraliya Azərbaycanın suverenliyini və ərazi bütövlüyünü həmişə qətiyyətlə dəstəkləyib və biz gələcəkdə də bu dəstəyimizi davam etdirəcəyik. Mən, həmçinin bu il müstəqilliyinin 100 illiyini qeyd edən Azərbaycan dövlətini təbrik edirəm.

Ölkələrimiz arasında parlamentlər səviyyəsində və siyasi münasibətlər sahəsində çox sıx əməkdaşlıq mövcuddur. Əminəm ki, xüsusilə dövlətinizin öz iqtisadiyyatını şaxələndirilməsi istiqamətində səylər göstərməkdə maraqlı olduğu bir dönəmdə qarşıdakı illərdə Avstraliya ilə Azərbaycan arasında ticarət və investisiya qoyuluşu sahələrində əməkdaşlığımızı daha da artıra bilərik.

İnanıram ki, ölkələrimiz arasında mövcud olan dostluq münasibətləri növbəti illərdə də inkişaf edəcəkdir.

Hörmətlə,

 

Piter Kosqrov

Avstraliya İttifaqının General-Qubernatoru

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video