19 May 2018 05:05
447
Mədəniyyət
A- A+

Bakıda Rus Mədəniyyət Mərkəzinin təqdimat mərasimi keçirilib

Bakıda Rus Mədəniyyət Mərkəzinin əsaslı təmirdən sonra təqdimat mərasimi keçirilib.

AZƏRTAC xəbər verir ki, Azərbaycanın Rus İcmasının sədri, Milli Məclisin deputatı Mixail Zabelin təqdimat mərasimində çıxış edib. O vurğulayıb ki, 1993-cü ildə yaradılmış Bakıda Rus Mədəniyyət Mərkəzi özünün 25 illiyi qeyd edir. Mərkəzin təsisçisi Azərbaycan Rus İcmasıdır.

Azərbaycan xalqının ümummilli lideri Heydər Əliyev Rus Mədəniyyət Mərkəzinin işinə çox böyük dəstək verirdi, bu gün isə Prezident İlham Əliyev bu dəstəyi davam etdirir. Ötən illər ərzində Mərkəz tərəfindən rus mədəniyyətinin, rus dili və ədəbiyyatının, ənənə, adət və mərasimlərin qorunub saxlanması, inkişaf etdirilməsi və təbliği, millətlərarası əlaqələrin inkişaf etdirilməsi və möhkəmləndirilməsi, rus və Azərbaycan xalqlarının, habelə Azərbaycan ərazisində yaşayan digər xalqların mədəniyyətlərinin qarşılıqlı nüfuz etməsi və bir-birini zənginləşdirməsi sahəsində çox böyük işlər görülüb.

Mərkəz rus və Azərbaycan mədəniyyətlərinin görkəmli xadimlərinin yaradıcılığına həsr edilmiş ədəbi və musiqili tədbirlər, pravoslav bayramları şərəfinə konsertlər təşkil edir.

Mərkəzdə müntəzəm olaraq rus rəssamlarının əsərlərinin sərgiləri, Azərbaycanda yaşayan rus yazıçı və şairlərinin kitablarının təqdimatı, Azərbaycanın, Rusiyanın və yaxın xarici ölkələrin görkəmli mədəniyyət xadimləri ilə yaradıcılıq görüşləri keçirilir.

M.Zabelin Rus Mədəniyyət Mərkəzinin binasının yenilənməsində iştirak edənlərin hamısına minnətdarlığını bildirib, o cümlədən Sankt-Peterburq Qanunverici Məclisinin sədri Vyaçeslav Makarova, Sankt-Peterburqdakı Azərbaycan Milli-Mədəni Muxtariyyətinin sədri Vaqif Məmişova, habelə Azərbaycan Respublikasının Sankt-Peterburqdakı baş konsulu Sultan Qasımova təşəkkürnamələr təqdim edib. Vaqif Məmişov xalqlarımız arasında mədəni əlaqələrin inkişafında və möhkəmlənməsində böyük xidmətlərinə görə Mixail Zabelinə və Rus Mədəniyyəti Mərkəzinin direktoru Qalina Manafovaya qızıl medal təqdim edib.

Sankt-Peterburq Qanunverici Məclisinin sədri Vyaçeslav Makarov təbrik çıxışında qeyd edib ki, Bakıdakı Rus Mədəniyyət Mərkəzi rus milli qaynaqlarının və dərin beynəlmiləlçiliyin, Azərbaycan xalqının və bu ölkədə yaşayan digər xalqların mədəniyyətinə hörmətin sintezidir. Ümumiyyətlə, Bakının rusdilli mədəniyyəti fenomeni olduqca qiymətli və maraqlıdır.

Sankt-Peterburqun Azərbaycan Milli-Mədəni Muxtariyyəti ilə Azərbaycan Rus Mədəniyyət Mərkəzi arasında əməkdaşlıq haqqında Saziş imzalanıb.

Tədbir Rus Mədəniyyət Mərkəzi yanında yaradıcı kollektivlərin ifasında konsert proqramı ilə davam edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video