18 May 2018 07:05
380
Məktublar
A- A+

Kosta Rika Respublikasının sabiq xarici işlər və etiqad naziri Manuel A.Qonzalez Sanzdan

Azərbaycan Respublikasının Prezidenti Zati-aliləri cənab İlham Əliyevə

Zati-aliləri cənab Prezident.

Yenidən Azərbaycan Respublikasının Prezidenti seçilməyiniz münasibətilə Zati-alinizi Kosta Rika Respublikasının xalqı və Hökuməti adından səmimi qəlbdən təbrik edirəm.

Sizin rəhbərliyinizlə Azərbaycan Respublikasının gələcəyi bizdə inam və nikbinlik yaradır, ölkələrimiz arasında qurulmuş dostluq münasibətlərinin xalqlarımız üçün qarşılıqlı faydalı layihələrə təkan verəcəyinə ümid edirik.

Zati-aliləri cənab Prezident, mənim xarici işlər və etiqad naziri vəzifəsində müddətim başa çatıb. Lakin bu vəzifədə olduğum dövrdə bir neçə dəfə səfər etdiyim Sizin ölkənizə bir daha səmimi minnətdarlığımı bildirmək üçün bu xoş fürsətdən istifadə etmək istəyirəm. Səfərlərim zamanı xalqlarımızın qonaqpərvərliyindəki bənzərliklərin şahidi oldum.

Əminəm ki, ölkələrimiz arasında son illər müşahidə olunan yaxınlaşma bundan sonra da davam edəcək və tezliklə Latın Amerikası ilə Qafqaz regionunu yeni beynəlxalq birgə fəaliyyət formasında yaxınlaşdıracaq əməkdaşlıq layihələrinin şahidi olacağıq.

Bir daha Sizi səmimi qəlbdən təbrik edir, Azərbaycan xalqına Kosta Rika xalqının ən səmimi və qardaş salamlarını çatdırıram.

Fürsətdən istifadə edərək bir daha Zati-alinizə ən yüksək ehtiramımı bildirirəm.

Hörmətlə,

 

Manuel A.Qonzalez Sanz

Kosta Rika Respublikasının sabiq xarici işlər və etiqad naziri

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video