18 May 2018 06:05
590
Səhiyyə
A- A+

İmmuniteti gücləndirən qidalar

Elə qida məhsulları var ki, müntəzəm qəbul edildikdə immuniteti gücləndirmək xüsusiyyətinə malikdir.

AZƏRTAC xəbər verir ki, bu qidalara süd məhsulları da daxildir. Bu məhsulları hər gün istifadə etməklə, az və ya orta dərəcədə yağlılığı olan növlərini seçmək daha düzgündür.

Həkim və diyetoloqlar kərə yağından tamamilə imtina etməyi məsləhət görmürlər. Məsələn, hər gün səhər kərə yağı ilə olan buterbrod yeyilməsi vərəm xəstəliyinin profilaktikası üçün çox yaxşı üsul sayılır. Süd məhsullarından kefir və bioyoqurtlar daha xeyirli hesab olunur. Gün ərzində 150 qram kefir və ya bifidebakteriyalarla zənginləşdirilmiş yoqurt qəbul edilməsi soyuqdəymə riskini azaldır.

Çox az adam bilir ki, o qədər də diqqət yetirilməyən lobya bitki mənşəli məhsullar içərisində ən aktiv immunomodulyatordur. Məsələ burasındadır ki, həm qabıqlı, həm də təmizlənmiş şəkildə maş bitkisinin tərkibi insan orqanizmində interferonun yaranmasına kömək edən maddə ilə zəngindir.

Brokkoli, gül kələmi, baş kələm, Brüssel kələmi, ağ turp kimi bitkilər beta-karotin maddəsi ilə zəngindir. Həmin maddə selikli qişaları, xüsusən də ağ ciyərləri və həzm sistemi üzvlərini xərçəng hüceyrələrindən və sərbəst radikallardan qoruyur.

Qida rasionuna bildirçin yumurtasının daxil edilməsi immunitet üçün çox xeyirli hesab olunur.

Sarımsaq və soğan kökünün tərkibi xeyli miqdarda fitonsid adlanan maddələrlə zəngindir və həmin maddə mikroblar və viruslara qarşı mübarizədə orqanizmə hədsiz dərəcədə kömək edir. İmmunitetin yüksəldilməsi üçün onlar ən güclü məhsullar hesab edilir. Qrip epidemiyası zamanı həmin məhsulların müntəzəm şəkildə qəbul olunması xəstəliyə yoluxmaqdan qoruya bilər. Qəbul etməkdən əlavə epidemiya zamanı evin müxtəlif yerlərində nəlbəkilərdə soğan və sarımsaq qoymaq da yaxşı nəticə verir.

Balıqlar, yosunlar və ümumiyyətlə demək olar ki, bütün dəniz məhsulları da immunitetin gücləndirilməsində böyük rol oynayır. Orqanizmdə həmin maddələrin immun reaksiyanın modulyatorları sintez olunur. Dəniz yosunları qanda xolesterinin miqdarını azaldır, toksinləri neytrallaşdırır və ümumi immuniteti yaxşılaşdırır. Onlar apteklərdə qurudulmuş şəkildə satılır. Həmin məhsulları tərəvəz və göyərtilərdən hazırlanan salatlara da əlavə etmək olar.

Badam immun sisteminin optimal şəkildə fəaliyyət göstərməsi üçün tələb olunan amin və yağ turşularının ən yaxşı təbii mənbələrindən biridir. Qəbul olunan qidaların tərkibinə müntəzəm olaraq yarmaların da əlavə olunması orqanizmin təmizlənməsinə və kimyəvi radioaktiv maddələrin xaric olunmasına kömək edir. Bu isə öz növbəsində immunitetin möhkəmlənməsinə dəstək verir.

Emal olunmayan taxıl və dənli bitkilərin tərkibində qida maddələrinin miqdarı emal olunanlarla müqayisədə qat-qat artıq olur. Bal, arı südü, arı tozu, propolis təbii immunostimulyatorlar hesab olunur. Onların müntəzəm şəkildə istifadə edilməsi də yaxşı nəticələr verir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video