Alternative content

04:23 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV ABŞ-da futbol klubu 2,3 milyard dollara satılıb
ABŞ-da futbol klubu 2,3 milyard dollara satılıb
ANA SƏHİFƏ / İDMAN
12:05 17.05.2018

Amerika Futbol Liqasında (NFL) çıxış edən “Carolina Panthers” komandası təxminən 2,3 milyard dollara satılaraq liqa tarixinin satış rekordunu yeniləyib.

AZƏRTAC Anadolu informasiya agentliyinə istinadla xəbər verir ki, klubun rəsmi saytında yerləşdirilən məlumatda komandanın qurucusu və sahibi Jerry Richardsonun “Carolina Panthers”i amerikalı milyarder David Tepperə satmaq üçün müqavilə imzaladığı bildirilir.

NFL-də sonuncu dəfə 2014-cü ildə “Buffalo Bills” klubu 1,4 milyard dollara sahibini dəyişmişdi.

Digər rekordlar da var. Ötən il Amerika Basketbol Liqasının (NBA) “Houston Rockets” komandası 2,2 milyard dollara, “Brooklyn Nets” komandasının isə yüzdə 49 hissəsi 2,3 milyard dollara satılmışdı.

Qeyd edək ki, “Forbes” jurnalının “dünyanın ən varlı insanları” siyahısında 130-cu yerdə qərarlaşan Tepperin sərvəti 11 milyard dollar həcmində qiymətləndirilir. Onun, həmçinin NFL-də yer alan “Pittsburgh Steelers” klubunda da payı var.