14 May 2018 08:05
542
Səhiyyə
A- A+

Suraxanı rayonunda əhalinin 90 faizə yaxını kütləvi tibbi müayinə olunub

Bu il fevralın 12-dən başlayan və mayın 12-dək davam edən ölkə vətəndaşlarının pulsuz tibbi müayinə kampaniyası Suraxanı rayonunda uğurla aparılıb. Tibbi müayinənin yüksək səviyyədə və operativ təşkil edilməsi üçün komissiya yaradılıb, rayonda yerləşən müəssisə və idarələrin kollektivlərinin müayinədən keçməsi üçün qrafik tərtib olunub.

İcra hakimiyyətindən AZƏRTAC-a verilən məlumata görə, rayonda 18 yaşdan yuxarı 180,1 sakinin və 14,5 min məcburi köçkünün 4 xəstəxana, 4 poliklinikada və 1 ambulatoriyada pulsuz tibbi müayinədən keçirilməsi nəzərdə tutulmuşdu. Müayinə müddətində rayon üzrə 157,4 min nəfərin sağlamlıq vəziyyəti yoxlanılıb. Onların 10,8 min nəfəri rentgen, 21,2 min nəfəri laboratoriya müayinəsindən, 5,3 min nəfəri USM və 3,1 min nəfəri exokardioqramma müayinəsindən keçib. Sakinlərdən 3,4 min nəfərində müxtəlif xəstəliklər aşkarlanıb, 118 nəfər stasionar müalicəyə cəlb olunub, 259 nəfər təkrar müayinə və müalicə üçün paytaxtın müxtəlif xəstəxanalarına göndərilib.

Səhiyyə müəssisələrində həkimlərdən ibarət səyyar briqadalar müxtəlif yaşayış ünvanlarına baş çəkərək, poliklinikaya gələ bilməyənlərə yaşayış yerində tibbi xidmət göstəriblər.

Rayonun böyük səhiyyə ocaqlarından olan 23 nömrəli şəhər poliklinikasının baş həkimi Şərəbanı Yusifzadənin verdiyi məlumata görə, müəssisənin xidmət göstərdiyi 27 min nəfər əhalidən 23,6 mini tibbi müayinə olunub. Onlardan 2,3 min nəfəri rentgen, 2 min nəfəri ultrasəs aparatından, 919 nəfəri laboratoriya və 2,6 min nəfəri exokardioqramma müayinəsindən keçib. Müayinədən keçənlərin 334 nəfərində müxtəlif xəstəliklər aşkar olunub və onlardan 72 nəfər daha ixtisaslı müayinə və müalicə üçün Bakının digər xəstəxanalarına göndərilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video