12 May 2018 09:05
300
İDMAN
A- A+

Beşqat dünya çempionu Rafael Ağayev 11-ci dəfə Avropa çempionu adını qazanıb VİDEO

Serbiyanın Novi-Sad şəhərində WKF karate üzrə Avropa çempionatı ilə yanaşı, ilk dəfə qitə üzrə parakarate çempionatı keçirilir.

AZƏRTAC xəbər verir ki, turnirdə 15 ölkədən 100-dək idmançı iştirak edir. Azərbaycan bu yarışmada 17 iştirakçı ilə təmsil olunur.

Kişilərin kumite yarışlarında tatamiyə 75 kiloqramadək çəki dərəcəsində 40 karateçi çıxıb. Beşqat dünya çempionu Rafael Ağayev hər üç idmançıya - litvalı, latviyalı və türkə eyni hesabla (1:0) qalib gəlib. Rafael yarımfinalda “xantey”lə (1:1) italiyalı Luici Busu məğlub edib. Finalda macarıstanlı idmançıya qalib gələn karateçimiz 11-ci dəfə Avropa çempionu adını qazanıb.

Kişilər arasında kumite yarışlarında 84 kiloqramdan yuxarı çəki dərəcəsində 33 idmançı iştirak edib. İlk dövrədə Şahin Hətəmov danimarkalıya 2:1, sonra albaniyalıya 1:0 hesabla qalib gəlib. Daha sonra “xantey”lə hollandiyalını (2:2) və ispaniyalını (2:1) məğlub edib. Finalda Azərbaycan təmsilçisi bosniyalıya uduzaraq gümüş mükafata layiq görülüb.

Azərbaycanın aktivinə daha bir gümüş medalı İrina Zaretska yazdırıb. O, kumite yarışlarında 68 kiloqramadək çəki dərəcəsində 36 qadın arasında ikinci olub. Karateçimiz ilk döyüşündə 1:0 hesabı ilə bosniyalıya, sonra “xantey”lə (0:0) Sloveniya təmsilçisinə, daha sonra İsveçdən olan idmançıya (3:0) qalib gəlib. “Xantey”lə (0:0) slovakiyalını məğlub edən İ.Zaretska 7:0 hesabı ilə Makedoniya təmsilçisini məğlubiyyətə uğradıb. Finalda isə İsveçrə idmançısı azərbaycanlıdan üstün olub.

Azərbaycan təmsilçilərindən kumite yarışlarında Nuranə Əliyevanın (50 kq), Tural Ağalarzadənin (67 kq) medal qazanmaq şansı var. Roman Heydərov isə kata yarışlarında bürünc uğrunda mübarizə aparacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video