12 May 2018 02:05
439
Elm və texnika
A- A+

Akademik Akif Əlizadə: Doktorant və dissertantların tədqiqatları dünya elminin tələblərinə cavab verməlidir

Azərbaycan Milli Elmlər Akademiyasının (AMEA) Rəyasət Heyətində Fizika-Riyaziyyat və Texnika, Kimya, Yer, eləcə də Biologiya və Tibb Elmləri bölmələri üzrə 57 tədqiqatçının dissertasiya mövzularının müzakirəsinə həsr olunan yığıncaq keçirilib.

Akademiyadan AZƏRTAC-a bildirilib ki, tədbirdə AMEA prezidenti, akademik Akif Əlizadə rəhbərlik etdiyi qurumun əsas hədəflərindən birinin gənclərin elmi fəaliyyətinə dəstək vermək, onları həvəsləndirmək və yüksəkixtisaslı peşəkar kadr kimi yetişdirməkdən ibarət olduğunu deyib. Son zamanlar AMEA-da elm və təhsilin inteqrasiyasının sürətləndiyini qeyd edən A.Əlizadə gənc tədqiqatçıları prioritet elmi istiqamətlərdə araşdırmalar aparmağa çağırıb: “Hər bir tədqiqatçı mövzu seçərkən diqqətli olmalı, onların əldə etdiyi elmi nəticələr dünya elminin çağırışlarına, müasir tələblərə cavab verməlidir”.

AMEA rəhbəri elmi işlərin müvəffəqiyyətlə yerinə yetirilməsi üçün doktorantların dünyanın nüfuzlu elmi mərkəz və laboratoriyalarında təcrübə keçməsinin əhəmiyyətindən söhbət açıb.

Akademiyada dissertasiya mövzularının təkmilləşdirilməsi istiqamətində zəruri tədbirlərin görülməsinin vacibliyini vurğulayan A.Əlizadə bu prosesdə AMEA-nın alim və mütəxəssislərinin fəal iştirakının zəruri olduğunu qeyd edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video