Alternative content

22:26 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Tanınmış teleaparıcı öz proqramının növbəti buraxılışını Azərbaycana həsr edib
Tanınmış teleaparıcı öz proqramının növbəti buraxılışını Azərbaycana həsr edib
ANA SƏHİFƏ / Mədəniyyət
09:05 11.05.2018

Tanınmış rusiyalı teleaparıcı, televiziya və kino prodüseri Mixail Şirvindt “YouTube” kanalında özünün “Yeyilən-yeyilməyən” proqramının Azərbaycana həsr olunan növbəti buraxılışını təqdim edib. “Yeyilən-yeyilməyən” layihəsinin gedişində aparıcı bir ölkəyə səyahət edir və tamaşaçıları bu ölkənin milli mətbəxi, görməli yerləri, adət-ənənələri ilə tanış edir.

AZƏRTAC verilişin aparıcısının rəsmi səhifəsinə istinadla xəbər verir ki, layihənin növbəti buraxılışında Şirvindt öz komandası ilə İçərişəhəri gəzərkən tanınmış sovet kinokomediyası olan “Brilyant əl” filminin epizodunun çəkildiyi yerdə Andrey Mironov və Yuri Nikulinin məşhur yıxılma səhnəsini canlandırmaq qərarına gəlir. Mixail Şirvindt, həmçinin Bakı bazarını gəzir və öyrənir ki, pendiri (motal pendiri) qoyun dərisindən düzəlmiş torbada saxlamaq mümkündür. Mixail Şirvindt proqramında zəfəranın faydasından da danışır. Aparıcı, həmçinin Bakıda keçirilən Formula 1 avtoyürüşlərini qeyd edir.

Layihənin növbəti buraxılışı da aparıcının kulinar kəşfləri olmadan ötüşməyib – Mixail Şirvindt soğan dolmasının dadına baxıb. Bu ləziz təamın hazırlanma qaydası haqqında isə Milli Kulinariya Assosiasiyasının prezidenti, Milli Kulinariya Mərkəzinin rəhbəri, Azərbaycanın Əməkdar Mədəniyyət İşçisi Tahir Əmiraslanov məlumat verib.