11 May 2018 03:05
630
PARLAMENT
A- A+

Milli Məclisin iqtisadi siyasət, sənaye və sahibkarlıq komitəsinin iclası keçirilib

 

Mayın 11-də Milli Məclisin iqtisadi siyasət, sənaye və sahibkarlıq komitəsinin iclası keçirilib.

AZƏRTAC xəbər verir ki, komitə sədri Ziyad Səmədzadə gündəlik barədə məlumat verib.

Əvvəlcə “Hesablama Palatası haqqında” qanun layihəsi ikinci oxunuşda müzakirə edilib. Z.Səmədzadə bildirib ki, bu qanun Azərbaycan Respublikası Hesablama Palatasının statusunu, fəaliyyətinin hüquqi əsaslarını, idarəetmə və təşkilati strukturunu, habelə dövlət vəsaitlərinin qanunauyğun, məqsədyönlü və səmərəli istifadəsinə dövlət nəzarətinin təmin edilməsi sahəsində kənar dövlət maliyyə nəzarətinin obyektləri və digər tərəflərlə münasibətlərini tənzimləyir.

Komitə sədri vurğulayıb ki, Azərbaycan son 25 il ərzində böyük inkişaf yolu keçib. Artıq bu gün bütün dünya Azərbaycanın qazandığı uğurları, iqtisadi sahədə əldə etdiyi nailiyyətləri birmənalı şəkildə qəbul edir. “Ulu öndər Heydər Əliyev azad bazar münasibətləri sistemini qurarkən ölkəmizdə bir neçə strukturun yaradılmasını vacib hesab etdi. Bu qurumlardan biri də Hesablama Palatasıdır. Beynəlxalq aləmdə Azərbaycan cəmiyyətinin nüfuzunun artması, aparılan islahatların demokratikləşdirilməsi, iqtisadi inkişafda əldə olunan nailiyyətlər, eləcə də şəffaflığının təmin edilməsi, dövlət büdcəsi üzərində nəzarətin birmənalı şəkildə Milli Məclis tərəfindən aparılması və parlamentin cəmiyyətdə rolunun artırılması istiqəmətlərində görülən işlər göz qabağındadır”, - deyə Ziyad Səmədzadə vurğulayıb. Bildirilib ki, Hesablama Palatası Milli Məclisin orqanı olaraq son illərdə böyük inkişaf yolunu keçib.

Hesablama Palatasının sədri Vüqar Gülməmmədov qeyd edib ki, ötən 5 ay ərzində qanun layihəsinə 30-dan çox maddə üzrə həm texniki, həm mahiyyəti üzrə əlavə və düzəlişlər edilib. Edilən dəyişikliklər həm ölkədaxili qanunvericilik aktlarına, həm də xarici ölkələrin təcrübələrinə, beynəlxalq prinsipləri və standartları yenidən nəzərdən keçirməklə həyata keçirilib. Dəyişikliklər əsasən Hesablama Palatasının vəzifə və funksiyaları, həmçinin korrupsiyaya və hüquq pozğunluqlarına qarşı aparılan tədbirlərlə bağlıdır.

Müzakirədən sonra “Hesablama Palatası haqqında” qanun layihəsi Milli Məclisin plenar iclasına tövsiyə olunub.

Sonra “Banklar haqqında”, “Poçt haqqında”, “Qiymətli metallar və qiymətli daşlar haqqında”, “Sığorta fəaliyyəti haqqında”, “İnvestisiya fondları haqqında”, “Qiymətli kağızlar haqqında” qanunlarda dəyişikliklər edilməsi barədə qanun layihələri müzakirə olunub. Bildirilib ki, bu qanun layihələrinə edilən dəyişikliklər texniki xarakter daşıyır. Bu qanun layihələri də parlamentin plenar iclasına tövsiyə olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video