Alternative content

23:50 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Alimlər beyni yaşatmaq üsulu tapıblar
Alimlər beyni yaşatmaq üsulu tapıblar
ANA SƏHİFƏ / Səhiyyə
06:05 04.05.2018

 

Amerikada Yel Universitetinin neyrobioloqları beyni bədəndən kənarda yaşatmaq üsulu tapıblar.

AZƏRTAC “MIT Technology Review” nəşrində dərc olunan tədqiqatın nəticələrinə əsasən xəbər verir ki, professor Neyad Sestanın rəhbərliyi ilə aparılan eksperimentlər qəssabxanadan alınmış yüzlərlə donuzun başı üzərində aparılıb.

Alimləri ilk növbədə heyvanların beyni maraqlandırıb: onlar heyvanın başından götürdükləri beyində qan dövranını süni yollarla bərpa etməyə çalışıblar. Nəticədə tədqiqatçılar “BrainEx” adlı xüsusi sistem hazırlayıblar. Həmin sistem beyni onun müxtəlif hissələrinə oksigen çatdıran xüsusi mayenin dövr etdiyi qapalı qablara və borucuqlara qoşmağı nəzərdə tutur. Sistemin iş prinsipi belədir: heyvanın başı kəsildikdən təxminən dörd saat sonra alimlər “BrainEx”i beynə qoşurlar. Bundan sonra beyin 36 saat müddətində yaşamını davam etdirir. Bununla belə, elektrodlar şüuru bərpa edə bilmir, onu yalnız koma vəziyyətinə gətirə bilir.

Araşdırma müəllifləri gələcək tədqiqatlarda şüurun bərpasına da nail ola biləcəklərini güman edirlər. Onların fikrincə, indiyə qədərki tədqiqatlarda uğursuzluğa səbəb süni qanın tərkibində neyronların fəallığını zəiflədən çoxlu maddələrin olmasıdır. Professor N.Sestanin qənaətinə əsasən həmin sistem istənilən canlı orqanizmlə işləyə bilər.

Tədqiqat universitetin əxlaq komitəsində xeyli mübahisəyə səbəb olsa da, növbəti mərhələdə araşdırmalara insan beyninin cəlb edilməsinin mümkünlüyünə görə maraq doğurub.