Alternative content

07:52 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Kamal Abdullanın “Yarımçıq əlyazma”sı tələbələrin müzakirəsində
Kamal Abdullanın “Yarımçıq əlyazma”sı tələbələrin müzakirəsində
ANA SƏHİFƏ / Elm və texnika
07:05 03.05.2018

Bakı Mühəndislik Universitetində akademik Kamal Abdullanın tələbələrlə görüşü keçirilib.

Universitetdən AZƏRTAC-a bildirilib ki, görüşdə Kamal Abdullanın “Yarımçıq əlyazma” romanı müzakirə olunub. Yazıçının romanlarının dil-üslub və poetik imkanları, ideya və struktur estetikası haqqında məlumat verilib. Kamal Abdulla “Yarımçıq əlyazma”nın yazılma prosesi və romana olan reaksiyalar barədə ətraflı söhbət açıb.

Söhbət əsnasında auditoriyanın maraq dairəsinə uyğun olaraq “Gizli Dədə-Qorqud”, “Yarımçıq əlyazma” və “Kitabi-Dədə Qorqud” poetikasına giriş” əsərlərinin arasındakı əlaqə də müzakirə edilib. Tələbələr “Yarımçıq əlyazma” romanı haqqında müxtəlif səpkili məruzə ilə çıxış ediblər və yazıçıya suallar veriblər.

Universitetin professor-müəllim heyəti, tərbiyə işləri üzrə prorektor, siyasi elmlər üzrə fəlsəfə doktoru Bayram Hüseynzadə, pedaqoji fakültənin dekanı, dosent İslam Hüseynov, professor Akif Hüseynli və baş müəllim Ülvi Babasoy da müzakirədə iştirak ediblər. Roman haqqında mühazirə oxuyan Akif Hüseynli Kamal Abdulla yaradıcılığında intellektual nəsrin poetik imkanlarının genişliyini vurğulayıb.

Sonda Kamal Abdulla auditoriyadan razı qaldığını, bu tip müzakirələrin əhəmiyyətli olduğunu bildirib, iştirakçılara və universitet rəhbərliyinə təşəkkür edib.