02 May 2018 05:05
673
Səhiyyə
A- A+

Yuxudan doymamaq yuxu pozuntusu əlamətidir

Yuxusuzluq təkcə yuxu çatışmazlığı ilə xarakterizə olunmur. Normal yata bilməmək, gec yuxuya getmək və erkən oyanmaq da narahatlıq doğuran məsələdir.

AZƏRTAC xəbər verir ki, yaxşı yuxu gün ərzində daha gümrah olmaq və gözəl görünmək üçün əsas şərtlərdən sayılır.

İnsan gün ərzində orta hesabla 7-8 saat yatmalıdır. Lakin bununla belə yuxuya olan tələbat fərdi olaraq dəyişə bilər. Təkcə normadan az yatanda deyil, lazım olduğundan çox yatanda da yuxu nizamsızlığı baş verir. Sağlam orqanizm ona lazım olan yuxunun qədərini müəyyən edə bilir.

Mütəxəssislərin dediyinə görə, yuxu problemi 90 faiz hallarda psixoemosional problemlərdən, əsasən də nevroz nəticəsində yaranır. Yuxu pozulması ilk növbədə əsəb problemi olması deməkdir. Eyni zamanda, yuxu nizamsızlığının da özünəməxsus növləri var. Həmin növlərə yuxuyagetmə saatından asılı olmayaraq hər gün eyni vaxtda oyanmaq, yuxudan doymamaq, rahat yata bilməmək daxildir.

Uzun müddət davam edən yuxu problemləri təzyiqin, şəkərin yüksəlməsi, ürək döyüntülərinin sayının artması və piylənmə kimi problemlərə səbəb ola bilər. Onu aradan qaldırmaq üçün ilk növbədə nizamsız yuxunun səbəbini tapmaq lazımdır. Yuxudan doymamaq da düzgün olmayan yuxu və yuxu pozuntusu əlamətidir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video