Seçenov Universitetinin Bakı filialında akademik Zərifə Əliyevanın 95 illik yubileyinə həsr edilən konfrans keçirilib
İ.M.Seçenov adına Birinci Moskva Dövlət Tibb Universitetinin Bakı filialında (Seçenov Universiteti) görkəmli oftalmoloq alim, akademik Zərifə Əliyevanın 95 illik yubileyinə həsr edilən konfrans keçirilib.
Bakı filialının mətbuat xidmətindən AZƏRTAC-a bildirilib ki, tədbirdə Seçenov Universitetinin Bakı filialının rektoru, professor Əziz Əliyev, akademik Zərifə Əliyeva adına Milli Oftalmologiya Mərkəzinin qlaukoma bölməsinin müdiri, tibb üzrə fəlsəfə doktoru Fidan Ağayeva, İllinoysk universitetinin oftalmologiya kafedrasının müdiri, professor Mark Rozenblat, Münxen Texniki Universitetinin tibb fakültəsinin dekanı, professor Yurqen Qşvend iştirak ediblər.
Konfransın açılışında çıxış edən filialın rektoru Əziz Əliyev Azərbaycanda oftalmologiyanın inkişafında Zərifə Əliyevanın müstəsna xidmətlərini xatırladıb. Onun 1983-cü ildə Azərbaycan Elmlər Akademiyasının akademiki seçilməsi uzun illər elmi-tədqiqat sahəsində məhsuldar fəaliyyətinin və böyük xidmətlərinin nəticəsi idi. Rektor, həmçinin Zərifə Əliyevanın elmi-pedaqoji kadrların hazırlanmasında, peşə fəaliyyəti ilə bağlı olan göz xəstəliklərinin tədqiqində və müalicəsində xidmətlərini vurğulayıb. “Peşə xəstəlikləri oftalmologiyası əsası Zərifə xanım tərəfindən qoyulan yeganə elmi istiqamət deyil. O, alternativ təbabət sahəsi olan iridodiaqnostikanı bir elm kimi araşdıran ilk tədqiqatçı və "İridodiaqnostikanın əsasları" adlı fundamental elmi əsərin müəlliflərindən biri idi”, - deyə professor Əziz Əliyev qeyd edib.
Professor Əziz Əliyev Milli Onkologiya Mərkəzinin baş-boyun şişləri bölməsi haqqında da məlumat verib. Alim, qırtlağın çıxarılmasından sonra xəstəyə sərbəst danışmağa imkan verən xüsusi qurğunun tətbiqi praktikasını nümayiş etdirib. Üz şişinin bir neçə variantından danışan professor qeyd edib ki, vaxtında diaqnoz qoyulması və düzgün müalicə ağır fəsadların qarşısını alır.
Sonra akademik Zərifə Əliyeva adına Milli Oftalmologiya Mərkəzinin qlaukoma bölməsinin müdiri, tibb üzrə fəlsəfə doktoru Fidan Ağayeva “Azərbaycanda müasir oftalmologiyanın inkişafında akademik Zərifə Əliyevanın rolu” mövzusunda məruzə ilə çıxış edib. Qeyd edib ki, respublikanın sənaye müəssisələrində çalışan işçilərin peşə ilə bağlı görmə orqanının zədələnməsinin tədqiqi 1970-ci illərin əvvəlində Zərifə Əliyevanın elmi fəaliyyətinin yeni istiqaməti olub. Zərifə Əliyeva görmə orqanının peşə ilə bağlı patologiyası sahəsində bir sıra elmi əsərlərinə görə SSRİ Elmlər Akademiyasının M.Averbax mükafatına layiq görülüb. 2001-ci ildə Azərbaycan Göz Xəstəlikləri Elmi-Tədqiqat İnstitutuna akademik Zərifə Əliyevanın adı verilib.
Həmçinin akademik Zərifə Əliyeva adına Milli Oftalmologiya Mərkəzinin fəaliyyəti, Mərkəzin Gəncə və Masallıda mobil klinikaları və regional filialları haqqında məlumat verilib.
Sonra professor Əziz Əliyev konfrans iştirakçılarına xarici qonaqları – İllinoysk Universitetinin oftalmologiya kafedrasının müdiri, professor Mark Rozenblatı və Münxen Texniki Universitetinin tibb fakültəsinin dekanı, professor Yurqen Qşvendi təqdim edib. Onların iştirakı ilə İ.M.Seçenov adına Birinci Moskva Dövlət Tibb Universiteti ilə İllinoysk Universitetinin və Münxen Texniki Universitetinin tibb fakültələri arasında filialın tələbələrinin həmin universitetlərdə klinik rotasiya keçməsinə dair müqavilə imzalanıb.
Tədbir Mark Rozenblatın çıxışı ilə davam edib. O qeyd edib ki, İllinoysk Universitetinin tibb fakültəsi ilə Seçenov universitetinin Bakı filialı arasında bağlanan müqavilə əməkdaşlığın genişləndirilməsi üçün əla bazadır və Bakı filialının tələbələrinə dünyanın ən yaxşı klinikalarında rotasiya keçmək üçün unikal imkan yaradır. Sonra professor Rozenblat gözün buynuz qişası, keratoplastika və keraprotezin implantasiyası haqqında məlumat verib. Bunların hamısının donor buynuz qişanın köməyilə həyata keçirildiyini bildirən professor slaydlar vasitəsilə buynuz qişanın köçürülməsi prosesini nümayiş etdirib.
Sonra çıxış edən professor Yurqen Qşvend Münxen Texniki Universitetinin tibb fakültəsi ilə Seçenov Universitetinin Bakı filialı arasında əməkdaşlıqdan məmnunluğunu bildirib. Qeyd edilib ki, filialın ilk tələbələri artıq Münxen universitetinin klinikasında olublar. Müxtəlif ixtisaslar üzrə klinik rotasiyalar tələbələrə dünyanın ən yaxşı universitetlərində zəngin klinik təcrübə keçməyə imkan verəcək.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
Azərbaycan neftinin qiyməti 89 dolları ötüb
29 Mart
Füzuli sakini: Gözəl günlərimiz bundan sonra daha çox olacaq
29 Mart
Keçmiş məcburi köçkün: Düşünürəm ki, artıq bütün şəhidlərimizin ruhu şaddır
29 Mart
Füzuli şəhərinə növbəti köç karvanı yola salınıb
29 Mart
ABŞ Baltimordakı körpünün bərpasına 60 milyon dollar ayırıb
29 Mart
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
29 Mart
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!