Alternative content

18:31 18 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Akademik Zərifə Əliyevanın anadan olmasının 95 illik yubileyi münasibətilə keçirilən beynəlxalq konfransa yekun vurulub
Akademik Zərifə Əliyevanın anadan olmasının 95 illik yubileyi münasibətilə keçirilən beynəlxalq konfransa yekun vurulub
ANA SƏHİFƏ / Səhiyyə
05:04 29.04.2018

Görkəmli oftalmoloq-alim, akademik Zərifə xanım Əliyevanın anadan olmasının 95 illik yubileyinə həsr edilən “Oftalmologiyanın aktual problemləri” mövzusunda beynəlxalq elmi-praktiki konfrans aprelin 29-da işini başa çatdırıb.

AZƏRTAC xəbər verir ki, konfransın ikinci günündə Azərbaycan alimləri ilə yanaşı, Türkiyə, Rusiya, Belarus və digər ölkələrdən gəlmiş iştirakçıların da məruzələri dinlənilib.

Tədbirdə “Oftalmologiyanın seçilmiş məsələləri”, “Gözün cərrahiyyəsində innovativ texnologiyalar”, “Qlaukoma: erkən diaqnostika, müalicə, dispanserizasiya” mövzularında keçirilən plenar iclaslarda bir sıra göz patologiyaları ətraflı müzakirə olunub.

İki gün davam edən konfransda “Diabetik retinopatiya və yaşla bağlı makulyar degenerasiya zamanı göz yaşında angiogen faktorların və klinik-morfoloji göstəricilərin tədqiqatı: rabinizumabin təsiri”, “Horioideya melanomalarının lokal götürülməsi: lehinə və əleyhinə”, “Norma və patologiya zamanı buynuz qişanın sinirləri”, “Şəkərli diabet fonunda uveitlərin inkişafının klinik-immunoloji monitorinqi və risk faktorları”, “Tireoid oftalmopatiya və çəpgözlük” və digər mövzularda məruzələr dinlənilib, fikir mübadiləsi aparılıb.

Sonda konfrans iştirakçılarına sertifikatlar təqdim olunub.