Alternative content

13:42 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan Dövlət Mədəniyyət və İncəsənət Universitetində Kamal Abdulla ilə görüş
Azərbaycan Dövlət Mədəniyyət və İncəsənət Universitetində Kamal Abdulla ilə görüş
ANA SƏHİFƏ / Elm və texnika
12:04 26.04.2018

Azərbaycan Dövlət Mədəniyyət və İncəsənət Universitetində (ADMİU) yazıçı-publisist, Azərbaycan Dillər Universitetinin rektoru, akademik Kamal Abdulla ilə görüş keçirilib.

ADMİU-dan AZƏRTAC-a bildiriblər ki, universitetin rektoru, professor Fərəh Əliyeva Kamal Abdullanın zəngin elmi və ədəbi yaradıcılığından, onun yazıçı, publisist, dilçi alim, ədəbiyyatşünas, tərcüməçi kimi fəaliyyətindən söz açıb, görüşün bütün kollektiv üçün faydalı olacağını bildirib.

Sonra Kamal Abdulla elmi və ədəbi fəaliyyətinin əsas istiqamətlərindən danışıb, müxtəlif janrlarda qələmə aldığı bədii əsərləri, xüsusilə də “Mifdən yazıya və yaxud gizli Dədə Qorqud” kitabı haqqında məlumat verib. O, kitabın üç hissədən ibarət olduğunu söyləyib, “Mifdən yazıya və yaxud sirr içində dastan” adlanan birinci bölmədə mif və yazı, mifin məntiqi və gücü, hüquqi və etik yasaqları, yazının gücü və “Kitabi-Dədə Qorqud” dastanının gizlin filoloji məqamlarından bəhs olunduğunu qeyd edib.

Görüşdə Kamal Abdulla iştirakçıların suallarını cavablandırıb.