Avropa Gimnastika İttifaqının prezidenti Fərid Qayıbovdan
Azərbaycan Respublikasının Prezidenti Zati-aliləri cənab İlham Əliyevə
Hörmətli cənab Prezident.
Yenidən Azərbaycan Respublikasının Prezidenti seçilməyiniz münasibətilə Sizi Avropa Gimnastika İttifaqı adından və şəxsən öz adımdan səmimi qəlbdən təbrik edirəm.
On beş illik prezidentliyiniz dövründə idman sahəsi də daxil olmaqla, sosial-iqtisadi, təhsil, mədəniyyət və başqa sahələrdə bir çox uğurlar əldə edilib.
Ötən illər ərzində Azərbaycan idmanın müxtəlif növləri üzrə beynəlxalq yarışların keçirildiyi məkana çevrilib. Azərbaycan birinci Avropa Oyunları və IV İslam Həmrəyliyi Oyunları kimi bir çox mötəbər idman tədbirlərinə yüksək səviyyədə ev sahibliyi edib. Həmin dövrdə ölkəmizdə bir sıra möhtəşəm idman obyektləri istifadəyə verilib.
Sizin dəstəyinizlə inşa olunmuş Milli Gimnastika Arenası təkcə Azərbaycan milli komandasının gimnastlarını və məşqçilərini deyil, idmanın bu növü üzrə Bakıda keçirilən təlim-məşq toplantılarının və beynəlxalq yarışların iştirakçılarını heyran qoyub. Bu arena indiyədək Avropa miqyasında gimnastika üzrə 6 yarışın yüksək səviyyədə keçirilməsinə imkan yaradıb.
Dünya kubokları və çempionatları, digər beynəlxalq tədbirlərlə yanaşı, Azərbaycan üç dəfə (2007-ci, 2009-cu və 2014-cü illərdə) Ritmik Gimnastika üzrə Avropa Çempionatına ev sahibliyi edib. Bu günlərdə batut, ikili mini-batut və tamblinq üzrə ən güclü gimnastlar Bakıda keçirilən 26-cı Avropa Çempionatına qatılıblar. Bu çempionat 2018-ci ildə Argentinada keçiriləcək yeniyetmələrin III Yay Olimpiya Oyunları üçün, 2019-cu ildə isə Belarusda təşkil olunacaq II Avropa Oyunları üçün lisenziya qazanmaq imkanı verib.
Azərbaycanda idmanın inkişaf sürəti, yarışların təşkili səviyyəsi, peşəkar idmanın inkişafı üçün yaradılmış şərait və idmanın kütləvililiyinin təmin olunması, idmançıların beynəlxalq arenada əldə etdikləri nailiyyətlər dünya idman ictimaiyyətinin diqqət mərkəzindədir. İdman tədbirlərinin iştirakçıları Bakının gözəlliyinə, onun müasir binalarına və infrastrukturuna, eləcə də ölkədə əhalinin rifahına birbaşa təsir edən hərtərəfli iqtisadi tərəqqiyə heyran qalırlar. Bu, Azərbaycanda idmanın inkişafına yönəlmiş, gələcək nəsillər üçün böyük bir miras olan məqsədyönlü siyasətinizin nəticəsidir.
Sizə Azərbaycanın tərəqqisinə yönəlmiş gələcək fəaliyyətinizdə böyük uğurlar arzulayıram.
Əminəm ki, Azərbaycan xalqının Zati-alinizə olan inamı Sizi ölkənin inkişafı, rifahı və təhlükəsizliyi istiqamətində mühüm səyləri davam etdirməyə ruhlandıracaq.
Hörmətlə,
Fərid Qayıbov
Avropa Gimnastika İttifaqının prezidenti
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!